கல்யாணத்திற்கு முன்பு பிக் பாஸ் நிகழ்ச்சி.. விஜய்டிவி புகழை தேடி செல்லும் வாய்ப்பு?

விஜய் டிவியில் கூடிய விரைவில் ஒளிப்பரப்பாகவுள்ள பிக் பாஸ் சீசன் 6 குறித்த எதிர்பார்ப்பு ரசிகர்களிடம் அதிகமாகியுள்ளது.

பிக் பாஸ் 6 ல் கலந்து கொள்ளும் போட்டியாளர்கள் பற்றியும் நிகழ்ச்சி குறித்தும் தினமும் தகவல்கள் இணையத்தில் காட்டுத்தீ போல் பரவி வருகின்றன.

இந்நிலையில் தற்போது குக் வித் கோமாளி புகழ் , பிக் பாஸ் சீசன் 6 ல் கலந்து கொள்ள இருப்பதாக இணையத்தில் தகவல்கள் உலா வருகின்றன.

காதலி பென்சியுடன் இந்த ஆண்டு திருமணம் என்று குக் வித் கோமாளி ஷோவில் புகழ் ஏற்கெனவே தெரிவித்து இருந்தார்.

இந்நிலையில் புகழ் வெள்ளித்திரையில் செம்ம பிஸியாக நடித்துக் கொண்டிருக்கிறார். அவர் ஹீரோவாக நடிக்கும் படமும் கூடிய விரைவில் திரைக்கு வரவுள்ளது.

இந்நிலையில் இன்னும் சில மாதங்களில் தொடங்கவுள்ள பிக் பாஸ் நிகழ்ச்சியில் புகழ் கலந்து கொள்ள இருப்பதாக தகவல்கள் இணையத்தில் பரவி வருகின்றன.

இதுத்தொடர்பாக விஜய் டிவி புகழிடம் பேச்சு வார்த்தை நடத்தி வருவதாக கூறப்படுகிறது. ஆனால் இந்த தகவல் உண்மையா? இல்லையா? என்பதை பொறுத்திருந்து தான் பார்க்க வேண்டும். காரணம், பிக் பாஸ் நிகழ்ச்சியை பொறுத்தவரையில் ஏகப்பட்ட வதந்திகள் பரவலாம். ஆனால் கடைசியில் எதிர்பார்க்காத ஒன்றை தான் ரசிகர்கள் பார்ப்பார்கள்.