சித்தி 2 முடிந்தாலும் சின்னத்திரையில் வெண்பா மவுசு இன்னும் குறையவில்லை!

சன் தொலைக்காட்சியில் சித்தி தொடருக்கு கிடைத்த வரவேற்பை யாரும் மறந்திருக்க முடியாது. அப்படிபட்ட பிரபலமான இந்த தொடரின் பார்ட் 2 வெர்ஷனான சித்தி 2 சீரியல் 2020ம் ஆண்டு முதல் ஒளிப்பரப்பானது. இந்த சீரியலில் முதலில் மெயின் கதாபாத்திரமாக ராதிகா நடித்து வந்த நிலையில், அவர் திடீரென அதில் இருந்து விலகினார்.

இதனையடுத்து வெண்பா கதாபாத்திரத்தில் நடித்து வந்த ப்ரீத்தி ஷர்மா சித்தி 2 சீரியலின் மெயின் கதாபாத்திரமாக மாறினார். வெண்பா - கவின் இந்த ஜோடிக்கு சோஷியல் மீடியாவில் இருக்கும் ரீச் மிகப் பெரியது. இவரின் சொந்த ஊர் லக்னோ. இவரின் முதல் சினிமா பயணம் 12 ஆவது படிக்கும் போதே தொடங்கி விட்டது.

கல்லூரி படித்துக்கொண்டிருந்தபோது ‘எங்க போன ராசா’ என்ற வெப் சீரிஸில் நடித்தார். இதில் இவரின் நடிப்பு பலரின் கவனத்தையும் பெற்றது. அதன் பிறகு தான் கலர்ஸ் தமிழ் சேனலில் ஒளிபரப்பான திருமணம் சீரியலில் அனிதாவாக நடிக்க வாய்ப்பு கிடைத்தது.

அதன் பின்பு சித்தி 2 வில் ராதிகாவின் வளர்ப்பு மகளாக நடிக்க ப்ரீத்திக்கு வாய்ப்பு கிடைக்க அப்படியே சன் டிவியில் வெண்பாவாக செட்டில் ஆனார்.

சித்தி 2 சீரியல் சில மாதங்களுக்கு முன்பு முடிக்கப்பட்டது. இப்போது ப்ரீத்தி தெலுங்கில் நடித்து வருகிறார். ஆனாலும் தமிழ் ரசிகர்கள் அவரை மறக்கவில்லை.

சோஷியல் மீடியாவில் அவ்வப்போது போட்டோஸ் மற்றும் வீடியோக்களை வெளியிட்டு வருகிறார் ப்ரீத்தி. அவரின் ஒவ்வொரு புகைப்படத்துக்கும் லைக்ஸ் குவிந்து வருகின்றன. சித்தி 2 சீரியல் முடிந்தாலும் ப்ரீத்தியின் மவுசு தமிழ் சின்னத்திரையில் குறையவில்லை.