பிக் பாஸ் வருண் - அக்‌ஷராவுக்கு திருமணமா? ஷாக்கான ரசிகர்கள்!

பிக் பாஸ் சீசன் 5 மூலம் மிகப் பெரிய ரசிகர்கள் பட்டாளத்தை பெற்று இருக்கிறார்கள் வருணும் - அக்‌ஷராவும். இவர்கள் இருவரும் பிக் பாஸ் வீட்டுக்குள் ஆகச் சிறந்த நண்பர்களாக வலம் வந்து பலரின் கவனத்தையும் பெற்றனர். பிக் பாஸ் வீட்டின் 1 நாளிலிருந்து இருவரும் எலிமினேட் ஆன நாள் வரை ”ஃபிரண்ட்ஷிப் தான் சொத்து நமக்கு” என சுற்றினார்கள்.

நடிகர் வருணை இதற்கு முன்பு பல படங்களில் பார்த்து இருப்போம். கோமாளி, வனமகன் படங்களில் நடித்து பாராட்டுக்களை பெற்றார். ஐசரி கணேஷ் குடும்பத்தை சேர்ந்த வருண் பிக் பாஸ் சீசன்5 ல் போட்டியாளராக உள்ளே நுழைந்தார்.

பிரபஞ்ச அழகியாக தேர்ந்தெடுக்கப்பட்ட அக்‌ஷரா ரெட்டி ஒருசில படங்களில் நடித்துள்ளார். நிறைய மாடலிங் நிகழ்ச்சியில் கலந்து கொள்ளும் இவர், பிக் பாஸ் சீசன் 5ல் போட்டியாளராக உள்ளே சென்றார்.

பிக் பாஸ் வீட்டுக்குள் தான் வருண் - அக்‌ஷரா நட்பு தொடங்கியது. அங்கேயே குளோஸ் ஆகி வெளியே வந்த பின்பு அது தொடர்ந்தது.

தொடர்ந்து இருவரும் பிக் பாஸ் கொண்டாட்டத்தில் ஜோடியாக நடனம் ஆடினார்கள். அதுமட்டுமில்லை, இவர்கள் இருவரும் காதலிப்பதாக வதந்திகள் கூட பரவியது.

தொடர்ந்து கலை நிகழ்ச்சிகள், விருது நிகழ்ச்சிகளில் வருண் - அக்‌ஷராவை ஜோடியாக பார்க்க முடிந்தது. ரசிகர்கள் பலரும் நீங்கள் காதலிக்கிறீர்களா? எனவும் கேள்வி எழுப்பி வந்தனர்.

இந்நிலையில் தான் கடந்த 2 நாட்களாக வருண் - அக்‌ஷராவுக்கு திருமணம் என்ற தகவல் இணையத்தில் வேகமாக பரவி வந்தது. ஆனால் அது உண்மையில்லை. வருண் - அக்‌ஷரா இருவரும் சமீபத்தில் பிரபல நாளிதழ் ஒன்றுக்காக திருமண கான்செப்டில் ஃபோட்டோ ஷூட் ஒன்று நடத்தினர். முஸ்லீம், இந்து, கிறிஸ்டின் வெட்டிங் என்ற கான்செப்டில் எடுக்கப்பட்ட அந்த புகைப்படங்கள் இணையத்தில் திருமணம் என்ற வதந்தியுடன் பரவியது. இந்த புகைப்படங்களை தற்போது அக்‌ஷரா ரெட்டி தனது இன்ஸ்டாவில் பகிர்ந்துள்ளார். ஆனா சும்மா சொல்ல கூடாது ஜோடி பொருத்தம் சூப்பராகவே இருக்கு என்று ரசிகர்கள் கமெண்ட் செய்து வருகின்றனர்.