விஜய் டிவி-யில் ஒளிபரப்பான பிக் பாஸ் 4 நிகழ்ச்சி கடந்த ஜனவரி 17-ம் தேதி முடிவடைந்தது. இதன் டைட்டில் வின்னராக நடிகர் ஆரியும், ரன்னராக பாலாஜி முருகதாஸும் தேர்ந்தெடுக்கப்பட்டனர். பிக் பாஸ் இறுதிப் போட்டிக்கு முன்பே அர்ச்சனா, நிஷா, ஜித்தன் ரமேஷ் ஆகியோர் சந்தித்தனர். பின்னர் ஆர்.பி.செளத்ரி தயாரித்த ‘கலத்தில் சந்திப்போம்’ படத்தின் ப்ரிவியூ ஷோ-வில் பிக் பாஸ் பிரபலங்கள் கலந்துக் கொண்டனர். இதையடுத்து தனது செல்லப் பிராணியின் முதல் பிறந்தநாளை கொண்டாடினார் ஷிவானி. அதில் ஆஜித், சம்யுக்தா, பாலாஜி முருகதாஸ் ஆகியோர் கலந்துக் கொண்டனர். பின்னர் கடந்த வாரம் அர்ச்சனாவின் தங்கை அனிதாவுக்கு வளைகாப்பு நடந்தது. அந்த விழாவிலும் பிக் பாஸ் பிரபலங்கள் அனைவரும் கலந்துக் கொண்டனர். ஆட்டம், பாட்டம், கொண்டாட்டம் என அந்த வளைகாப்பு நிகழ்ச்சி படு விமர்சையாக இருந்தது. நிஷாவுடன் தனது கணவர் நடனமாடிய வீடியோவை இன்ஸ்டாகிராமில் பகிர்ந்திருந்தார் அனிதா சம்பத். இந்நிலையில் மீண்டும் பிக் பாஸ் பிரபலங்கள் அனைவரும் ஒன்று கூடியிருக்கிறார்கள். இந்த முறை சோம் சேகருக்காக அனைவரும் ஒன்றிணைந்திருக்கிறார்கள். எதற்காக என்கிறீர்களா? சோம் சேகரின் பிறந்தநாளுக்காக தான். அதில் தனது அம்மாவுடன் கலந்துக் கொண்டார் ஷிவானி. ஆஜித், கேபி, சம்யுக்தா, பாலாஜி உள்ளிட்டோரும் சோம் சேகரின் பிறந்தநாள் விழாவில் கலந்துக் கொண்டனர். அர்ச்சனா மகள் ஸாராவுடன் சோம் சேகர். பிக் பாஸ் சம்யுக்தாவுடன்... சோம் பிறந்தநாளில் விழாவில் அர்ச்சனா தனது குடும்பத்தினர் மற்றும் அவரது தங்கை அனிதாவுடன் கலந்துக் கொண்டார். ரியோ தனது மனைவி ஸ்ருதியுடன் கலந்துக் கொண்டார். அந்தப் படங்கள் தற்போது இன்ஸ்டாகிராமில் ட்ரெண்டாகி வருகிறது.
