சட்ட ரீதியான நடவடிக்கை எடுக்கப்படும்... எச்சரித்த பிக்பாஸ் மகேஸ்வரி..!

தன்னையும், தனது மகனையும் தகாத வார்த்தைகளில் விமர்சிப்பவர்கள் மீது சட்ட ரீதியான நடவடிக்கை எடுக்கப்படும் என மகேஸ்வரி சாணக்யன் தெரிவித்துள்ளார்.

பிக் பாஸ் வீட்டில் இருந்தபோது அசீமுக்கும் மகேஸ்வரிக்கும் காரசாரமான சண்டைகள் நிறைய நடந்தன.

பிக் பாஸ் நிகழ்ச்சியில் இருந்து எலிமினேட் செய்யப்பட்ட மகேஸ்வரி, மீண்டும் விருந்தினராக உள்ளே சென்றதும் மீண்டும் சண்டைகள் நடந்தன.

இதனால் மகேஸ்வரியை அசீம் ஆதரவாளர்கள் கடுமையாக சமூக வலைதளங்களில் விமர்சனம் செய்தனர்.

அவரை மட்டும் இன்றி அவரது மகன் குறித்தும் மோசமான பதிவுகளை பதிவிட்டனர்.

இந்நிலையில் இது குறித்து, ‘என் மகன் ஒரு போராளியாக இருப்பதற்கு நன்றி, நச்சு நிறைந்த இந்த உலகத்தை நீ பெண்களுக்கான சிறந்த உலகமாக மாற்றப் போகிறாய் என்று நான் நம்புகிறேன். நீ அவ்வாறாக இருப்பதற்கு நான் பெருமைப்படுகிறேன். உன்னை நான் பாதுகாப்பேன்’ என்று கூறியுள்ளார் மகேஸ்வரி.

மகேஸ்வரியின் அந்த பதிவுக்கு லைக்ஸ்கள் குவிந்து வருகின்றன.