விஜய் டிவி-யில் ஒளிபரப்பாகிய பிக் பாஸ் நிகழ்ச்சி கடந்த ஜனவரி மாதம் நிறைவடைந்தது. இதில் ஆரி, பாலாஜி, ரியோ ஆகியோர் முதல் 3 இடங்களைப் பிடித்தனர். நிகழ்ச்சி முடிந்த பின்னர், போட்டியாளர்கள் அனைவரும் தனிப்பட்ட விழாக்களில் ஒன்றாக கலந்துக் கொண்டு வருகிறார்கள். சமீபத்தில் இவர்கள் அனைவரும் சோம் சேகரின் பிறந்தநாள் விழாவில் கலந்துக் கொண்டனர். தற்போது ரியோ வீட்டு விழாவில் பிக் பாஸ் பிரபலங்கள் மட்டுமல்லாமல், சீரியல் பிரபலங்களும் கலந்துக் கொண்டுள்ளனர். ரியோவின் மகள் ரிதியின் முதல் பிறந்தநாள் விழா கொண்டாடப்பட்டுள்ளது. தெலுங்கு பிக் பாஸ் பிரபலம் சொஹெலும் இதில் கலந்துக் கொண்டார். தவிர தொகுப்பாளர்களும் ரிதியின் பிறந்தநாள் விழாவில் கலந்துக் கொண்டுள்ளனர். பிக் பாஸ் முடிந்த பின்னரும் போட்டியாளர்கள் தங்கள் நட்பை தொடர்வது, ரசிகர்களுக்கு மகிழ்ச்சியளித்துள்ளது. ரிதியின் பிறந்தநாள் படங்கள் இணையத்தில் வெளியாகியுள்ளன. அதோடு இன்ஸ்டாகிராமில் ட்ரெண்டாகி வருகின்றன.
