நிறைய வலி, மெனக்கெடல்களுக்குப் பிறகு கனவு நனவானது - குட் நியூஸ் சொன்ன அனிதா சம்பத்!

தாங்கள் புதிய வீடு ஒன்றை வாங்கியிருப்பதாக அனிதா சம்பத் தனது இன்ஸ்டகிராமில் தெரிவித்துள்ளார்.

முன்னணி சேனல்களில் செய்தி வாசிப்பாளராக இருந்தவர் அனிதா சம்பத்.

பிக் பாஸ் நிகழ்ச்சியில் கலந்துக் கொண்டு ரசிகர்கள் மத்தியில் பிரபலமானார்.

பிக் பாஸ் வீட்டில் நடந்த பல சர்ச்சைகளில் அனிதாவின் பெயர் இடம்பெற்றது.

இந்நிலையில் தற்போது புதிய வீடு ஒன்றை வாங்கிய மகிழ்ச்சியை இன்ஸ்டகிராமில் பகிர்ந்துள்ளார் அனிதா.

அதில், Finally! வீடு எப்போதுமே எங்க ரெண்டு பேருக்கும் மிக பெரிய கனவு.வாடகை வீட்டுலயே நல்ல வீடு கிடைக்காதா..பெட்ரூம் வச்ச வீட்டுக்கு போக மாட்டோமானு ஏங்குன காலம் எல்லாம் இருக்கு..ஓட்டு வீடுல பிறந்து வளர்ந்த பிரபாக்கும் அதே தான். wiஇன்னக்கி எங்களுக்கு பிடிச்ச மாதிரி எங்களுக்காக ஒரு வீடு. நிறைய வலிகளும் நிறைய உழைப்பும் நிறைய மெனக்கெடல்களும் கடந்து அன்னையர் தினம் அன்று எங்கள் அன்னையர்களுக்காக அவர்களின் சொந்த வீட்டு கனவை நினைவாக்கி விட்டோம். “நம்ம எல்லார் வாழ்க்கையும் ஒரு நாள் நமக்கு பிடிச்ச மாதிரி மாறும்”. இப்ப அதை இன்னும் வலிமையா நம்புறேன்.

இதை படிக்கிற நீங்க எல்லாருமே சீக்கிரம் வீடு வாங்குவீங்க.எங்க சார்பா அதற்கான வாழ்த்துகள்” என்று குறிப்பிட்டுள்ளார்.

இதையடுத்து அனிதாவுக்கு தங்கள் வாழ்த்துகளை தெரிவித்து வருகிறார்கள் ரசிகர்கள்.