விஜய் சேதுபதி மனைவியாக நடித்தவருக்கு பிக் பாஸில் வாய்ப்பு?

நடிகர் விஜய்சேதுபதிக்கு மனைவியாக நடித்தவர் கூடிய விரைவில் பிக் பாஸ் சீசன் 6 நிகழ்ச்சிக்கு செல்ல இருப்பதாக தகவல்கள் இணையத்தில் உலா வருகின்றன. அது யார் தெரியுமா?

இந்த ஆண்டு தமிழ் சினிமாவை வேற லெவலுக்கு கொண்டு சென்ற திரைப்படம் என்றால் அது லோகேஷ் இயக்கத்தில் வெளியான விக்ரம் படத்தை சொல்லலாம். இதில் விஜய் சேதுபதிக்கு 3 மனைவிகள். இந்த ரோலில் விஜய் டிவி மைனா நந்தினி, ஷிவானி நாராயணன், விஜே மகேஸ்வரி நடித்து இருந்தனர்.

இதில் ஷிவானி ஏற்கெனவே பிக் பாஸ் 4ல் கலந்து கொண்டவர். சொல்லப்போனால் பிக் பாஸ் நிகழ்ச்சிக்கு பிறகு தான் அவருக்கு வெள்ளித்திரை வாய்ப்பு வந்தது.

அடுத்து மைனா நந்தினி இப்போது பிஸியான நடிகையாக வெள்ளித்திரையில் வலம் வருகிறார்.

அரண்மனை 3, நம்ம வீட்டு பிள்ளை, விருமன், விக்ரம் என இவர் நடித்த அனைத்து படங்களும் சூப்பர் டூப்பர் ஹிட்.

திருமணத்திற்கு பிறகு நந்தினிக்கு எல்லாமே பாசிட்டிவாக மாறியுள்ளது. சின்னத்திரை வெள்ளித்திரை இரண்டிலும் அம்மணி பிஸி.

இந்நிலையில் மைனா நந்தினி வரும் அக்டோபர் 9 முதல் விஜய் டிவியில் ஒளிப்பரப்பாகவுள்ள பிக் பாஸ் சீசன் 6ல் கலந்து கொள்ள இருப்பதாகவும் இதுக் குறித்த பேச்சுவார்த்தைகள் நடந்து முடிந்து விட்டதாக இணையத்தில் தகவல்கள் உலா வருகின்றன. ஆனால் இதுப்பற்றி எந்த ஒரு அதிகாரப்பூர்வ தகவலும் வெளியாகவில்லை. நந்தினியும் இதை உறுதி செய்யவில்லை. அக்டோபர் 9 ஆம் தேதி நிகழ்ச்சி லைவில் டெலிகாஸ்ட் ஆகும் போது தான் இதை உறுதி செய்ய முடியும். இந்த லிஸ்டில் சூப்பர் சிங்கர் ராஜலட்சுமி, ராஜா ராணி அர்ச்சனா, மதுரை முத்து ஆகியோரின் பெயர்களும் அடிப்படுகின்றனர்.