குக் வித் கோமாளியில் எலிமினேட் ஆனதும் ஷெரின் செய்த விஷயம்!

குக் வித் கோமாளி ஷெரின் தனது லேட்டஸ்ட் படங்களை இன்ஸ்டகிராமில் பகிர்ந்துள்ளார்.

கடந்த 2002-ம் ஆண்டு இயக்குநர் செல்வராகவன் இயக்கத்தில் வெளியான ‘துள்ளுவதோ இளமை’ படத்தின் மூலம் தமிழ் சினிமாவில் அறிமுகமானவர் நடிகை ஷெரின்.

தொடர்ந்து தெலுங்கு, கன்னடம், மலையாளம் ஆகிய மொழிகளிலும் நடித்தார். ஷெரின் நடித்த விசில் திடைப்படம் அவருக்கு நல்ல பெயரை வாங்கி தந்தது.

பின்பு திரைத்துறையை விட்டு ஒதுங்கி இருந்த ஷெரின், நடிகர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் 3-வது சீசனில் கலந்துக் கொண்டு மிகவும் பிரபலமானார்.

உடற்பருமனால் அவதிப்பட்ட ஷெரின், பிக் பாஸ் வீட்டில் இருந்து வரும்போது எடை குறைந்து, புதிய தோற்றத்தில் காணப்பட்டார். இது ரசிகர்களை வியப்பில் ஆழ்த்தியது.

இதையடுத்து குக் வித் கோமாளி நிகழ்ச்சியில் கலந்துக் கொண்ட ஷெரின், சமீபத்தில் அதிலிருந்து எலிமினேட் ஆனார். இந்நிலையில் தற்போது கோவாவுக்கு சுற்றுலா சென்ற படங்களை இன்ஸ்டகிராமில் பதிவிட்டுள்ளார்.