44 வயதில் திருமணம் செய்துக் கொண்ட அருவி சீரியல் நடிகை!

நடிகை லாவண்யா, பிரசன்னா என்பவரை நேற்று மணந்துள்ளார்.

90-களின் மத்தியில் இருந்து பல தமிழ் படங்களில் குணச்சித்திர கதாபாத்திரங்களில் நடித்து வருபவர் நடிகை லாவண்யா தேவி.

1979-ஆம் ஆண்டு சென்னையில் பிறந்த இவர் சூர்யவம்சம் படத்தின் மூலம் தனது திரை வாழ்க்கையை தொடங்கினார்.

இருப்பினும் 1999-ஆம் ஆண்டு வெளியான ரஜினியின் படையப்பா படத்தின் மூலம் ரசிகர்களின் கவனம் ஈர்த்தார்.

அதே வருடம் வெளியான ஜோடி, சேது போன்ற படங்களிலும் நடித்திருந்தார்.

கமலின் தெனாலி படத்தில் தொலைக்காட்சி தொகுப்பாளராக நடித்திருந்தார்.

திருமலை, வில்லன், எதிரி, ரன், சமுத்திரம், சுந்தரா டிராவல்ஸ், நான் தான் பாலா உட்பட 100-க்கும் மேற்பட்ட படங்களில் சப்போர்டிங் நடிகையாக நடித்துள்ளார் லாவண்யா.

பின்னர் சினிமாவில் நடிப்பதை குறைத்துக் கொண்டு தொலைக்காட்சி பக்கம் தனது கவனத்தை திருப்பினார். தற்போது சன் டிவி-யின் அருவி சீரியலில் லட்சுமி என்ற கதாபாத்திரத்தில் நடித்து வருகிறார்.

இந்நிலையில் நேற்று லாவண்யா, பிரசன்னா என்பவரை திருப்பதியில் மணந்துள்ளார். அந்தப் படத்தைப் பதிவிட்டு, அவருக்கு தங்கள் வாழ்த்துகளை தெரிவித்துள்ளனர் லாவண்யாவின் நண்பர்கள்.