சர்வைவர் ரியாலிட்டி ஷோ : விக்ராந்த் முதல் வி.ஜே பார்வதி வரை - பயோ டேட்டா இதோ!

ஜீ தமிழ் சர்வைவர்

அர்ஜூன் - வெள்ளித்திரையில் மிகவும் பிரபலமான நடிகரான அர்ஜூன், சர்வைவர் நிகழ்ச்சியில் தொகுப்பாளராக களமிறங்கியுள்ளார். நடிகராக ஹிட் அடித்த அர்ஜூன் தொகுப்பாளராகவும் ஹிட் அடிப்பாரா? என ரசிகர்கள் எதிர்பார்த்துள்ளனர்.

விஜயலட்சுமி - நடிகை விஜயலட்சுமி தமிழ் திரைப்பட இயக்குநரான அகத்தியனின் மகள். 2007-ஆம் ஆண்டு வெங்கட்பிரபு இயகத்தில் வெளியான சென்னை 600028 திரைப்படத்தின் மூலம் நடிகையாக அறிமுகமானார். பின் அஞ்சாதே, அதே நேரம் அதே இடம் போன்ற திரைப்படங்களில் நடித்ததுள்ளார். தமிழ் தவிர கன்னடம் மொழிப்படங்களிலும் நடித்துள்ளார். பிக்பாஸ், மிஸ்டர் & மிசஸ் சின்னத்திரை, பிக்பாஸ் சீசன் 3 ஆகிய ரியாலிட்டி ஷோக்களிலும் பங்கேற்றுள்ளார்.

வி.ஜே. பார்வதி - ரேடியோ ஜாக்கி, விடீயோ ஜாக்கியாக பணியாற்றிய அவர், மாடலிங் மற்றும் சினிமாவில் நடிகையாவும் மாறினார். மாணவ பத்திரிக்கையாளராக அறிமுகமாகி பின்னர் நாளைய இயக்குநர் மற்றும் குக் வித் கோமாளி ஆகிய நிகழ்ச்சிகளில் போட்டியாளராக கலந்து கொண்டார். சிவக்குமாரின் சபதம் திரைப்படத்தில் நடித்துள்ளார்.

லக்ஷ்மி பிரியா - நடிகை, விளையாட்டு வீராங்கனை, மாடல் என பல அவதாரங்களை கொண்டிருக்கும் லக்ஷ்மி பிரியா, மனித வளத்தில் முதுகலை பட்டம் பெற்றுள்ளார். முன்தினம் பார்த்தேனே திரைப்படத்தில் அறிமுகமான இவர், இதுவரை சுமார் 25க்கும் மேற்பட்ட திரைப்படங்களில் நடித்துள்ளார். சுட்ட கதை, கர்ணன், டிக்கெட் ஆகிய படங்களில் இவரின் நடிப்பு நல்ல வரவேற்பை பெற்றது.

காயத்திரி ரெட்டி - மாடலிங் துறையில் பிரபலமான காயத்திரி ரெட்டி, 2016 ஆம் ஆண்டு நடைபெற்ற மிஸ் பெமினா போட்டியில் டாப் 10 -ல் இடம்பிடித்தார். வெள்ளித்திரையில், நடிகர் சிவ கார்த்திகேயன் நடிப்பில் வெளியான மிஸ்டர் லோக்கல் திரைப்படத்தில் மிகச்சிறிய கதாப்பாத்திரத்தில் நடித்துள்ளார். மிஸ் டேலண்டேட், மிஸ் பேஷன் ஐகான் ஆகிய பட்டங்களையும் வென்றுள்ளார்.

நந்தா- கோயம்புத்தூரைச் சேர்ந்த இவர், முன்னாள் மத்திய அமைச்சர் கே.கண்ணப்பனின் பேரன். மௌனம் பேசியதே திரைப்படம் மூலம் வெள்ளித்திரையில் அறிமுகமகமானார். ஈரம் உள்ளிட்ட 20-க்கும் மேற்பட்ட திரைப்படங்களில் நடித்துள்ள அவர், பின்னணி குரல் கலைஞர், தயாரிப்பாளர் என பன்முகத்திறமையாளராக உள்ளார். நாம் இருவர் என்ற சீரியலின் தயாரிப்பாளர் இவர்.

சிருஷ்டி டாங்கே - நடிகை சிருஷ்டி டாங்கே ‘காதழகி’ திரைப்படம் மூலம் அறிமுகமானார். டார்லிங் திரைப்படம் மூலம் பிரபலமான அவர், ராஜாவுக்கு செக், ஜித்தன் 2 உள்ளிட்ட 20 க்கும் மேற்பட்ட திரைப்படங்களில் நடித்துள்ளார்.

உமாபதி ராமையா - வெள்ளித்திரையில் பிரபலமாக உள்ள, தேசிய விருது பெற்ற நடிகரான தம்பி ராமையாவின் மகன். அதாகப்பட்டத்து மகாஜனங்களே என்ற திரைப்படம் மூலம் வெள்ளித்திரையில் நடிகராக அறிமுகமானார். மணியார் குடும்பம், தேவதாஸ், தண்ணி வண்டி, திருமணம் ஆகிய திரைப்படங்களில் நடித்துள்ளார்.

பிரபல சண்டைக் கலைஞர் பெசண்ட் ரவி. தொழிலபதிபராகவும் உள்ளார். ஆரம்ப காலங்களில் மெக்கானிக்காக இருந்த இவர், பல்வேறு ஆயக்கலைகளைக் கற்றுக்கொண்டு திரைப்பட நடிகராக மாறினார். தமிழ், தெலுங்கு, கன்னடம் உள்ளிட்ட பல்வேறு மொழிகளில் சுமார் 300க்கும் மேற்பட்ட திரைப்படங்களில் நடத்துள்ளார். அனைத்து முன்னணி நடிகர்களுக்கு எதிராகவும் வில்லனாக நடித்துள்ளார்.

இளைய தளபதி விஜய்யின் உறவினரான விக்ராந்த், கற்க கசடற திரைப்படம் மூலம் நடிகராக அறிமுகமானார். இதுவரை 10க்கும் மேற்பட்ட திரைப்படங்களில் நடித்துள்ளார். சிறந்த கிரிக்கெட் வீரரான விக்ராந்த், நட்திர கிரிக்கெட் போட்டியில் தமிழக அணிக்காக கலந்து கொண்டு சிறப்பாக விளையாடினார்.

விளையாட்டு வீராங்கையான ஐஸ்வர்யா கிருஷ்ணன், மாடலிங்காகவும் உள்ளார். பிட்னஸ் டிரெய்னராக இருக்கும் அவர், வெள்ளித்திரையில் முன்னணி நடிகர், நடிகைகளுக்கு ஸ்பெஷல் டிரெயினராகவும் பணியாற்றி வருகிறார். 500 மீட்டர் துடுப்பு படகுப் போட்டியில் தேசிய அளவில் ரோவிங் சாம்பியன் பட்டத்தையும் வெற்றி பெற்றுள்ளார்.

சிங்கப்பூரைச் சேர்ந்த லேஷி காஷ், பின்னணி பாடகியாக உள்ளார். ஹிப் ஆப் பாடல்களை பாடுவதில் வல்லவரான அவர், தமிழில் பல்வேறு திரைப்படங்களில் ராப் பாடல்களை பாடியுள்ளார்.

மாடல் மற்றும் நடிகராக வலம் வரும் ராம், ராதிகா மற்றும் சரத்குமார் நடித்த வானம் கொட்டட்டும் திரைப்படத்தின் மூலம் வெள்ளித்திரையில் அறிமுகமானார். அவர் நடித்துள்ள எப்.ஐ.ஆர் உள்ளிட்ட திரைப்படங்கள் விரைவில் திரைக்கு வர உள்ளன

கடல் திரைப்படம் மூலம் நடிகராக சரண் சக்தி அறிமுகமானார். உலகளவில் வசூலை வாரிக்குவித்த கே.ஜி.எப் 2 திரைப்படத்திலும், நயன்தாராவுடன் நெற்றிக்கண் திரைப்படத்திலும் நடித்துள்ளார். மேலும், நடிகர் தனுஷ்ஷூடன் வட சென்னையிலும் முக்கிய கதாப்பாத்திரத்தில் நடித்துள்ளார்.

சின்னத்திரை மற்றும் வெள்ளித்திரை காமெடி நடிகரான ரோபோ சங்கரின் மகள் இந்திரஜா சங்கர். அட்லியின் இயகத்தில் நடிகர் விஜய்யின் நடிப்பில் உருவான மெகா ஹிட் திரைப்படமான பிகில் திரைப்படத்தில் நடித்திருந்தார். பரதநாட்டியம் கற்றுக்கொண்டுள்ளார். யூ டியூப் மற்றும் வீடியோ தளங்களில் சின்ன சின்ன வீடியோக்களையும் பதிவேற்றி வருகிறார்.

நடிகர், மாடல். இனிது இனிது திரைப்படம் மூலம் நடிகராக அறிமுகமானார். இதுவரை சுமார் 20க்கும் மேற்பட்ட திரைப்படங்களில் நடித்துள்ளார். ஒரு கல் ஒரு கண்ணாடி, திறந்திடு சீசே, பயணம் ஆகிய படங்களில் நடித்துள்ளார்.