ரசிகர்களுக்கான அடுத்த அப்டேட்: தொடங்கியது ரஜினியின் தர்பார்!

ரஜினிகாந்த் - ஏ.ஆர்.முருகதாஸ் கூட்டணியில் உருவாகும் தர்பார் படத்தின் பூஜை இன்று நடைபெற்றது.

பேட்ட படத்தைத் தொடர்ந்து சூப்பர் ஸ்டார் ரஜினிகாந்தின் 167-வது படமான தர்பார் படத்தை இயக்குனர் ஏ.ஆர்.முருகதாஸ் இயக்கவுள்ளார்.

இந்நிலையில், இப்படத்தின் பர்ஸ்ட் லுக் போஸ்டரை, நேற்று காலை 8.30 மணிக்கு வெளியிட்டுள்ளது, பட தயாரிப்பு நிறுவனமான லைகா.

மேலும், இப்படத்திற்கு இசையமைப்பாளர் அனிருத் மற்றும் ஒளிப்பதிவாளர் சந்தோஷ் சிவனும் ஒப்பந்தமாகியுள்ளனர்.

தற்போது வரை படத்தின் நாயகியாக நயன்தாரா மட்டுமே தேர்வாகியுள்ளார்.

இந்நிலையில் முதற்கட்ட தயாரிப்புப் பணிகளில் படக்குழு ஈடுபட்டு வந்தது. இன்று முதல் மும்பையில் படப்பிடிப்பு தொடங்குவதாக தெரிவிக்கப்பட்டிருந்த நிலையில் தற்போது படத்தின் பூஜை நடைபெற்றுள்ளது.

இந்தப் பூஜையில் நடிகர் ரஜினிகாந்த இயக்குனர் ஏ.ஆர்.முருகதாஸ் உட்பட படக்குழுவினர் கலந்து கொண்டுள்ளனர்.

இந்த படம் அடுத்த ஆண்டு பொங்கல் பண்டிகையின் போது வெளியாகும் என்றும் கூறப்படுகின்றது. ஏ.ஆர்.முருகதாஸ் - ரஜினிகாந்துடன் முதன்முறையாக இணைவதால், படத்தின் மீதான ரசிகர்களின் எதிர்பார்ப்பு அதிகரித்துள்ளது.