'சூப்பர் குயின்' ரியாலிட்டி நிகழ்ச்சியில் கலந்து கொள்ள போகும் 12 சின்னத்திரை பிரபலங்கள்!

தொலைகாட்சிகளில் சமீப காலமாக பல்வேறு ரியாலிட்டி நிகழ்ச்சிகள் வந்தவண்ணம் உள்ளன. அந்த வகையில் 'சூப்பர் குயின்' என்கிற ஒரு புதிய ரியாலிட்டி ஷோ ஜனவரி 16 ஆம் தேதி முதல் தொடங்கப்பட உள்ளது. இதில் 12 பிரபல தமிழ் தொலைக்காட்சி நடிகைகள் கலந்து கொள்ள உள்ளனர். அதன்படி தங்களின் திறமை மற்றும் வலிமையை நிரூபிக்கும் வகையில் இந்த நிகழ்ச்சி வடிவமைக்கப்பட்டுள்ளது. இதில் தரப்படும் டாஸ்க்குகள் பல்வேறு சவால்களை கொண்ட போட்டிகளாக உருவாக்கப்பட்டுள்ளது. இதில் கலந்த கொள்ள போகும் அந்த 12 போட்டியாளர்கள் யார்யார் என்பதை பற்றி இந்த பதிவில் விரிவாக பார்ப்போம்.

ஐரா அகர்வால் : கடைக்குட்டி சிங்கம் படத்தில் மீனாட்சியாக நடித்ததன் மூலம் மிகவும் பிரபலமானவர் நடிகை ஐரா அகர்வால். இவர் குத்துச்சண்டையில் அதிகம் ஆர்வம் கொண்டவர். 2019 ஆம் ஆண்டு நடந்த சர்வதேச குத்துச்சண்டை சாம்பியன்ஷிப்பில் இந்தியா சார்ப்பில் கலந்து கொண்டார்.

வைஷ்ணவி அருள்மொழி : விஜய் டிவியில் தற்போது ஒளிபரப்பு ஆகிவரும் பிரபல சீரியலான 'நாம் இருவர் நமக்கு இருவர் சீசன் 2'-இல் நடித்து வருகிறார் இவர். சிறப்பான நடிப்பின் மூலம் பல ரசிகர்களின் மனதை கவர்ந்துள்ளார். மேலும் மலர், அழகு, பொன்னுக்கு தங்க மனசு, பேரன்பு ஆகிய திரைப்படங்களிலும் நடித்துள்ளார்.

ஆஷா கவுடா : இவர் ஒரு நடிகை மட்டுமல்லாமல் ஒரு சிறந்த மாடலும் ஆவார். நந்த கோபால் நடித்த கோகுலத்தில் சீதை சீரியலில் முக்கிய கதாபாத்திரத்தில் நடித்துள்ளார். தனது சிறந்த நடிப்பின் மூலம் தெலுங்கு, தமிழ் மற்றும் ஹிந்தி ஆகிய மூன்று மொழிகளிலும் நடித்து வந்துள்ளார். தற்போது இவரும் சூப்பர் குயின் நிகழ்ச்சியில் கலந்து கொள்ள உள்ளார்.

ஜனனி அசோக் குமார் : நடிகை ஜனனி அசோக் குமார் பன்முக தன்மை கொண்டவர். இவர் தற்போது 'நாம் இருவர், நமக்கு இருவர் சீசன் 2' சீரியலில் நடித்து வருகிறார். இவற்றுடன் செம்பருத்தி, மௌன ராகம் ஆகிய தொலைக்காட்சி சீரியல்களிலும் நடித்தவர். மேலும் இவர் பிரபலமான நண்பேன்டா படத்தில் நடித்துள்ளார் என்பது குறிப்பிடத்தக்கது.

தேஜஸ்வினி கவுடா : பிலி ஹெந்தி என்கிற கன்னட சீரியலின் மூலம் இவர் அறிமுகமானார். பின்னர் தமிழ் தொலைக்காட்சி சீரியல்களில் நடிக்க தொடங்கினார். அந்த வகையில் சில குறிப்பிட்ட சின்னத்திரை தொடர்களில் நடித்து வந்துள்ளார். மேலும் இவர் 'சுந்தரி நீயும் சுந்தரன் நானும்' என்கிற படத்தில் நடித்ததற்காக நன்கு அறியப்பட்டவர்.

ஐஸ்வர்யா கிருஷ்ணன் : ஜீ டிவியின் மிக பிரபலமான சர்வைவர்ஸ் ரியாலிட்டி நிகழ்ச்சி மூலம் ஐஸ்வர்யா கிருஷ்ணன் பல இல்லத்தரசிக்கு பிடித்தமானவராக மாறியுள்ளார். இவர் ஒரு விளையாட்டு வீரர். எனவே, இது போன்ற நிகழ்ச்சிகளில் விருப்பத்துடன் கலந்து கொள்கிறார். மேலும் இவர் ஒரு சான்று பெற்ற பயிற்சியாளர் மற்றும் மாடல் ஆவார்.

ஸ்வாதி ஷர்மா : இவர் தனது கேரியரை ஒரு மாடல் மற்றும் நடிகையாக துவங்கியவர். 'நினைத்தாலே இனிக்கும்' என்கிற தமிழ் தொடரின் மூலம் தனது தொலைக்காட்சி சீரியல்களில் அறிமுகம் ஆனார். துரோணா, ஒண்டு கண்டேய கதை, ஃபார்ச்சூனர் போன்ற கன்னட திரைப்படங்களிலும் இவர் நடித்துள்ளார்.

லாவண்யா : இவர் சென்னையைச் சேர்ந்த மாடல் அழகி ஆவார். இவரும் ஒரு மாடலாக தனது வாழ்க்கையைத் தொடங்கியவர். மெட்ராஸ் குயின், மிஸ் சவுத் இந்தியா மற்றும் மிஸ் ஃபோட்டோஜெனிக் ஆகிய பிரபலமான பட்டங்களை வென்றுள்ளார். மேலும் 'மிஸ் தமிழ்நாடு 2020'-இல் இரண்டாம் இடத்தைப் பிடித்தார் என்பது குறிப்பிடத்தக்கது.

பார்வதி விஜே : பார்வதி ஒரு பிரபலமான தொகுப்பாளர் ஆவார். மேலும் இவர் ஒரு தொழில்முறை நடிகை. இவர் பல கார்ப்பரேட் நிகழ்ச்சிகளை தொகுத்து வழங்கி உள்ளார். IWF விருதுகளில் 2019 சிறந்த தொகுப்பாளர் கோப்பையை இவர் வென்றுள்ளார். பார்வதியும் சூப்பர் குயின் நிகழ்ச்சியில் கலந்து கொள்ள உள்ளார்.

ஆயிஷா : ஜீ தமிழ் தலைக்காட்சியில் நேயர்களுக்கு ஆயிஷா என்றால் அவ்வளவு பிடிக்கும். அந்த அளவிற்கு "சத்யா" சீரியல் மூலம் மக்களின் இதயத்தில் இடம் பிடித்தவர். இவரின் ஜாலியான நடிப்பினால் பலரை கவர்ந்துள்ளார். இதற்கு முன் விஜய் டிவி சீரியல்களில் நடித்துள்ளார். இவரின் சிறப்பான நடிப்பின் சமூக வலைதளங்களில் அதிக ஃபாலோவர்ஸ் பின்பற்றி வருகின்றனர்.

கண்மணி மனோகரன் : இவர் பெங்களூரைச் சேர்ந்த நடிகை ஆவார். மேலும் தனது கேரியரை மாடலிங் மூலம் தொடங்கினார். இவர் சென்னையில் உள்ள எத்திராஜ் கல்லூரியில் பட்டப்படிப்பை முடித்தார். விஜய் டிவியின் பிரபல சீரியலான 'பாரதி கண்ணம்மா' மூலம் தமிழ் மக்களை கவர்ந்தவர்.

ஸ்ரீது : இவர் ஒரு டிக் டாக் பிரபலமாவார். இவரின் நடிப்பு பலருக்கும் மிகவும் பிடித்தது. ஆயுத எழுத்து, கல்யாணம் கல்யாணம், மற்றும் மெல்ல துறந்து கதவுகள் ஆகியவற்றில் நடித்துள்ளார். இவரும் சூப்பர் குயின் ரியாலிட்டி நிகழ்ச்சியில் கலந்துகொள்ள உள்ளார்.