முதல்முறையாக மகனின் போட்டோவை பதிவிட்ட மாகபா ஆனந்த்... ரசிகர்கள் ஆச்சர்யம்

தொலைக்காட்சி தொகுப்பாளரும், நடிகருமான மாகபா ஆனந்த் தனது மகனின் புகைப்படத்தை சோஷியல் மீடியாவில் பதிவிட்டுள்ளார்.

பண்பலை தொகுப்பாளராக இருந்து பின்னர் விஜய் டிவி மூலம் காட்சி ஊடகத்துக்கு வந்தவர் மாகபா ஆனந்த். பின்னர் படிப்படியாக முன்னேறி தமிழ் திரையுலகில் நடிகரானார்.

வானவராயன் வல்லவராயன், நவரச திலகம், கடலை, அட்டி, மீசைய முறுக்கு, பஞ்சுமிட்டாய் உள்ளிட்ட பல படங்களில் நடித்திருக்கும் இவர் ஒரு சில படங்களில் பாடல்களும் பாடியுள்ளார்.

பாண்டிச்சேரியை பூர்வீகமாகக் கொண்ட இவர் சுசினா ஜார்ஜ் என்ற பெண்ணை காதலித்து திருமணம் செய்து கொண்டார். இத்தம்பதிக்கு ஒரு மகன் மற்றும் மகள் உள்ளனர்.

அவ்வப்போது தனது மனைவியுடன் இருக்கும் போட்டோக்களை தனது இன்ஸ்டாகிராம் பக்கத்தில் பதிவிடும் மாகபா ஆனந்த் தனது மகனின் புகைப்படத்தை பதிவிட்டுள்ளார்.

மாகபாவின் மகனைப் பார்த்த பலரும் இவருக்கு இவ்வளவு பெரிய மகன் இருக்கிறாரா என்று ஆச்சர்யமடைந்துள்ளனர்.