ட்விட்டருக்கு மீண்டும் வந்த கங்கனா ரணாவத்.. இதுதான் முதல் ட்வீட்!

கங்கனாவின் ட்விட்டர் கணக்கு கடந்த ஆண்டு நிரந்தரமாக இடைநிறுத்தப்பட்டது.

இதுகுறித்து அப்போது ட்விட்டர் செய்தித் தொடர்பாளர் அளித்த விளக்கத்தில், "ட்விட்டர் விதிகளை மீண்டும் மீண்டும் மீறுவதால், குறிப்பாக எங்களின் வெறுக்கத்தக்க நடத்தைக் கொள்கை மற்றும் தவறான நடத்தைக்காக குறிப்பிடப்பட்ட கணக்கு நிரந்தரமாக இடைநிறுத்தப்பட்டது என்றார்

நடத்தைக் கொள்கை. எங்கள் சேவையில் உள்ள அனைவருக்கும் ட்விட்டர் விதிகளை நியாயமாகவும் பாரபட்சமின்றியும் செயல்படுத்துகிறோம் எனவும் தெரிவித்திருந்தார்.

அதன்பின்பு கங்கனா ட்விட்டர் பக்கம் தலைகாட்ட முடியவில்லை. அவ்வப்போது இன்ஸ்டாவில் இது குறித்து பேசிவருவார் கங்கனா.

எலான் மஸ்க் பொறுப்பேற்ற பிறகு கங்கனா ட்விட்டர் கணக்கு மீண்டும் கிடைக்கும் என நம்பப்பட்டது

ட்விட்டர் ப்ளூ டிக் குறித்து இன்ஸ்டாவில் பதிவிட்ட கங்கனா, ஆதார் வைத்திருக்கும் அனைவருக்கும் ப்ளூ டிக் கிடைக்க வேண்டும். ட்விட்டரில் ப்ளூ டிக் சேவைக்கு பணம் கட்ட வேண்டும் என்ற நிர்வாகத்தின் முடிவை வரவேற்கிறேன். எல்லாவற்றையும் இலவசமாக ட்விட்டர் அளித்து விட்டால் அதன் செலவுக்கு யார் பொறுப்பு ஏற்பார்கள்? எனவும் பதிவிட்டார்

இந்நிலையில் கங்கனாவின் ட்விட்டர் கணக்கு மீண்டும் புத்துயிர் பெற்றுள்ளது. அனைவருக்கும் ஹலோ.. மீண்டும் இங்கே வருவதில் மகிழ்ச்சி என பதிவிட்டுள்ளார்.

அவருடைய ட்விட்டர் கணக்கில் ப்ளூ டிக் இல்லை. ஆனாலும் 2 வருடங்களுக்கு பிறகு வருகை தந்துள்ள கங்கனாவை அவரது ரசிகர்கள் வரவேற்று வருகிறன்றனர்