காஞ்சனா 3: 10 நாட்களில் இத்தனை கோடி வசூலா? - படக்குழு மகிழ்ச்சி

‘காஞ்சனா 3’ படம் வெளியான 10 நாட்களில் வசூலைக் குவித்து வருவதாக பாக்ஸ் ஆஃபிஸ் வட்டார தகவல்கள் தெரிவிக்கின்றன.

ராகவா லாரன்ஸ் இயக்கி, தயாரித்து, நடித்துள்ள படம் ‘காஞ்சனா 3’. இந்தப் படத்தை சன் பிக்சர்ஸ் நிறுவனம் கடந்த 19-ம் தேதி ரிலீஸ் செய்தது.

இந்தப் படத்தில் ஓவியா, வேதிகா, நிகிதா ஆகியோர் நாயகிகளாக நடித்துள்ளனர். மேலும் கோவை சரளா, ஸ்ரீமன், தேவதர்ஷினி, கபீர் சிங், சூரி உள்ளிட்ட பலரும் முக்கிய கதாபாத்திரங்களில் நடித்திருக்கின்றனர்.

காமெடி மற்றும் த்ரில்லர் கலந்து வெளியான இந்தப் படம் ரசிகர்களிடையே நல்ல வரவேற்பைப் பெற்றுள்ளது. மேலும் இந்தப் படத்தைக் காண குடும்பம் குடும்பமாக ரசிகர்கள் திரையரங்கில் குவிந்து வருகின்றனர்.

படம் வெளியான 10 நாட்களில் ரூ.130 கோடி வசூல் செய்திருப்பதாக பாக்ஸ் ஆஃபிஸ் வட்டார தகவல்கள் தெரிவிக்கின்றன.

இந்தப் படத்தை அடுத்து காஞ்சனா பட இந்தி ரீமேக்கை இயக்கி வருகிறார் ராகவா லாரன்ஸ். படத்தில் அக்‌ஷய்குமார் நாயகனாக நடிக்கிறார்.

காஞ்சனா இந்தி ரீமேக்குக்கு லக்‌ஷ்மி பாம் என டைட்டில் வைக்கப்பட்டுள்ளது. படத்தில் நாயகியாக கியாரா அத்வானி நடிக்கிறார்.