மதவெறி... சாதிவெறி... இன்றைய காலத்துக்கு தேவையான படம்...! ஜிப்ஸியைப் பாராட்டிய கமல்ஹாசன்

‘ஜிப்ஸி’ படக்குழுவை நடிகரும், மக்கள் நீதிமய்யம் கட்சியின் தலைவருமான கமல்ஹாசன் பாராட்டியுள்ளார்.

ஜோக்கர் படத்தை அடுத்து ராஜூ முருகன் இயக்கத்தில் உருவாகியுள்ள படம் ஜிப்ஸி. ஜீவா நாயகனாக நடித்திருக்கும் இத்திரைப்படத்தில் அவருக்கு ஜோடியாக நடாஷா சிங் நடித்துள்ளார். சந்தோஷ் நாராயணன் இசையமைத்த இந்தப் படத்தை ஒலிம்பியா மூவிஸ் தயாரித்துள்ளது. தணிக்கையில் எழுந்த பல்வேறு சிக்கல்களைத் தொடர்ந்து 50 காட்சிகள் நீக்கப்பட்டு கடந்த 6-ம் தேதி இத்திரைப்படம் வெளியானது.

ரசிகர்களிடம் நல்ல வரவேற்பைப் பெற்றுள்ள இத்திரைப்படத்தைப் பார்த்த திமுக தலைவர் மு.க.ஸ்டாலின், “சரியான நேரத்தில் சரியான படம்” என்று படக்குழுவைப் பாராட்டினார்.

இந்நிலையில் நடிகர் கமல்ஹாசன், “மதவெறி,சாதிவெறி உள்ளிட்ட அத்தனை பிரிவினைகளையும் அடித்துநொறுக்கும் ஆயுதம் மனிதம் மட்டுமே என்ற இன்றைய காலத்துக்கு தேவையான கருத்தை வலியுறுத்தும் திரைப்படம் ஜிப்ஸி” என்று கூறி படக்குழுவினரை பாராட்டியுள்ளார்.

கமல்ஹாசனுடனான படக்குழுவின் சந்திப்பின் போது, இயக்குநர் ராஜு முருகன், நடிகர் ஜீவா, கதாநாயகி நடாஷா சிங், தயாரிப்பாளர் அம்பேத் குமார், ஐசரி கனேசன் மற்றும் இயக்குநர் கௌதம் மேனன் ஆகியோர் உடனிருந்தனர்.

கமல்ஹாசன் உடன் ஜிப்ஸி பட ஹீரோயின் நடாஷா சிங்.

கமல்ஹாசனுக்கு வணக்கம் சொல்லும் ‘ஜிப்ஸி’ பட ஹீரோயின் நடாஷா சிங்