தனுஷ், சூர்யா படங்கள் பற்றி அப்டேட்டுகளை அள்ளி வீசிய ஜி.வி.பிரகாஷ்

ஜெயில், சூரரைப்போற்று, தனுஷின் 43-வது படம் ஆகிய மூன்று படங்களின் அப்டேட்டுகளை ஜி.வி.பிரகாஷ் வெளியிட்டுள்ளார்.

ஜி.வி.பிரகாஷை அறிமுகப்படுத்திய வசந்தபாலன், அவரை வைத்து தற்போது ஜெயில் என்ற படத்தை இயக்கி வருகிறார். இந்தப் படத்துக்கு இசையமைக்கும் பணிகள் நடைபெற்று வருவதாக கூறியிருக்கும் ஜி.வி, படத்தில் காதோடு என்ற பாடலை கபிலன் எழுதியிருப்பதாகவும், தனுஷ், அதிதி ராவ் பாடியிருப்பதாகவும் விரைவில் இப்பாடல் வெளியாகும் என்றும் தெரிவித்துள்ளார்.

இரண்டாவதாக சூரரைப் போற்று படத்தில் மேலும் 3 பாடல்கள் இணைக்கப்பட்டுள்ளதாகவும், அதுகுறித்த தகவல்கள் விரைவில் வெளியாகும் என்றும் தெரிவித்துள்ளார்.

மூன்றாவதாக, தனுஷ் - கார்த்திக் நரேன் இயக்கத்தில் உருவாகி வரும் ‘டி43’ படத்தின் பின்னணி இசை பணிகள் விறுவிறுப்பாக நடைபெற்று வருவதாகவும், இந்தப் படத்தில் தனுஷ் பாடல் எழுதி, பாடியுள்ளதாகவும் தெரிவித்துள்ளார்.