சன் டிவி சீரியலில் இணைந்த பிரபல நடிகை

விஜய் டிவியில் ஒளிபரப்பான ஆபீஸ்,ஆண்டாள் அழகர் உள்ளிட்ட தொடர்களில் நடித்து சின்னத்திரைக்கு அறிமுகமானவர் அனு.

ஜீ தமிழில் மெல்ல திறந்தது கதவு தொடரில் நடித்து மக்களிடம் பிரபலமான இவர், மிஸ்டர் அன்ட் மிஸஸ் கில்லாடி உள்ளிட்ட நிகழ்ச்சியிலும் கலந்து கொண்டார்.

விஜய் டிவியின் ஈரமான ரோஜாவே சீரியலில் முக்கியமான ரோலில் நடித்திருந்தார் அனு. ஆனால் அவரது கேரக்டர் கொலை செய்யப்பட்டது போல் கதை அமைக்கப்பட்டுள்ளது. எனவே இனி அவர் அத்தொடரிலிருந்து விலகுவார் என தெரிகிறது.

தமிழில் அனைத்து முன்னணி பொழுதுபோக்கு தொலைக்காட்சிகளிலும் தலைகாட்டி விட்ட அனு, தற்போது சன் டிவியில் புதிய சீரியலில் நடிக்க இருக்கிறார். இத்தொடர் சரித்திர பின்னணி கொண்டது என அனு தனது சோஷியல் மீடியாவில் தெரிவித்துள்ளார்.

புதிய சீரியலில் நடித்து வரும் அனுவுக்கு ரசிகர்களும், சின்னத்திரை பிரபலங்களும் வாழ்த்து தெரிவித்து வருகிறார்கள்.