சாதி வன்மத்தை கேள்வி கேட்கும் துணிச்சல்காரன் அசுரன்: ஸ்டாலின் பாராட்டு!

நடிகர் தனுஷ் நடிப்பில் வெளியாகியுள்ள அசுரன் சாதி வன்மத்தை கேள்வி கேட்கும் துணிச்சல்காரன் என்று திமுக தலைவர் ஸ்டாலின் பாராட்டு தெரிவித்துள்ளார்.

நாங்குநேரி காங்கிரஸ் வேட்பாளருக்கு ஆதரவாக திமுக தலைவர் ஸ்டாலின் நேற்று பிரசாரம் மேற்கொண்டார்.

இரவு தூத்துக்குடி திரும்பிய அவர் கட்சி நிர்வாகிகளுடன் இணைந்து திரையரங்கு ஒன்றில்  அசுரன் திரைப்படத்தை கண்டு களித்தார்.

இதற்கு பின் ட்விட்டரில் பதிவிட்டுள்ள ஸ்டாலின், அசுரன் படம் மட்டுமல்ல பாடம் என குறிப்பிட்டுள்ளார்.

பஞ்சமி நில உரிமை மீட்பை வைத்து சாதிய சமூகத்தை சாடும் - சாதி வன்மத்தை கேள்வி கேட்கும் துணிச்சல்காரன் என்று பாராட்டு தெரிவித்துள்ளார்.

மேலும், கதை- களம்- வசனம் என வென்று காட்டியிருக்கும் வெற்றிமாறனுக்கும், வாழ்ந்து காட்டியிருக்கும் தனுஷுக்கும் பாராட்டு என ஸ்டாலின் பதிவிட்டுள்ளார்.