சுந்தர் சி. க்கு யோகி பாபு அளித்த ஆன்மிக பரிசு - படங்கள்!

இயக்குனர் சுந்தர் சி. க்கு மகா அமாவாசையை முன்னிட்டு பரிசு ஒன்றை அளித்துள்ளார் யோகி பாபு.

எத்தனை திறமையான நடிகராக இருந்தாலும், அவர்களின் திறமையை சிறப்பாக வெளிப்படுத்த திறமையான ஒரு இயக்குனர் தேவை. நகைச்சுவையைப் பொறுத்தவரை சுந்தர் சி. யை கிங் எனலாம்.

வடிவேலின் கைப்புள்ள, நாய் சேகர் போன்ற காலத்தால் அழியாத கதாபாத்திரங்கள் சுந்தர் சி.யின் படத்தில்தான் இடம்பெற்றிருந்தன. அதேபோல் யோகி பாபுக்கும் சுந்தர் சி. யின் படங்களில் நல்ல வேடங்கள் கிடைத்திருக்கிறது.

இதற்கு உதாரணமாக கலகலப்பு 2 உள்பட பல படங்களை சொல்லலாம். அக்டோபர் 14 திரையரங்கில் வெளியாகவிருக்கும் சுந்தர் சி. யின் அரண்மனை 3 படத்திலும் யோகி பாபு இருக்கிறார்.

மகா அமாவாசையை முன்னிட்டு சுந்தர் சி. க்கு யோகி பாபு பிள்ளையார் சிலை ஒன்றை பரிசளித்துள்ளார். அந்தப் புகைப்படங்கள் அவரது சமூகவலைத்தளப் பக்கங்களில் பார்க்கக் கிடைக்கிறது.

யோகி பாபுக்கு படங்களின் எண்ணிக்கை அதிகரிக்கும்தோறும் பக்தியும் அதிகரிக்கிறது. தொடர்ந்து கடவுள் படங்களாக தனது சமூகவலைத்தளப் பக்கத்தில் பகிர்ந்து வருகிறார்.

அதன் அடுத்தக்கட்டமாக இப்போது சுந்தர் சி.க்கு கடவுள் சிலையை பரிசளித்துள்ளார். அரண்மனை 3 படத்தில் யோகி பாபுடன் மறைந்த நகைச்சுவை நடிகர் விவேக்கும் நடித்துள்ளது முக்கியமானது.