நினைவுகள் 2022: சினிமா நட்சத்திரங்களின் கோலாகல திருமணங்கள் - காதல் டு கல்யாணம்!

ஜனவரி 9: ரெபா மோனிகா ஜான் - ஜோமோன்
பிகில், எஃப்ஐஆர் போன்ற படங்களில் நடித்த ரெபா மோனிகா ஜான் தனது காதலர் ஜோமோன் என்பவரை திருமணம் செய்தார்.

ஏப்ரல் 14: ஆலியா பட் மற்றும் ரன்பீர் கபூர்
நீண்ட நாட்களாக காதலித்து வந்த பாலிவுட்டின் நட்சத்திர ஜோடிகளான நடிகர் ரன்பீர் கபூரும் ஆலியா பட்டும் கடந்த ஏப்ரல் 14 ஆம் தேதி பெற்றோர் சம்மதத்துடன் திருமணம் செய்துகொண்டனர்.

மே 18: ஆதி - நிக்கி கல்ராணி
யாகவாராயினும் நா காக்க, மரகத நாணயம் ஆகிய படங்களில் இணைந்து நடித்த ஆதி - நிக்கி கல்ராணி ஆகியோர் காதலித்து திருமணம் செய்துகொண்டனர்.

ஜூன் 9: விக்னேஷ் சிவன் - நயன்தாரா
நானும் ரௌடி தான் படத்தில் இணைந்து பணியாற்றிய இயக்குநர் விக்னேஷ் சிவனும், நயன்தாராவும் நீண்ட ஆண்டுகளாக காதலித்து வந்தனர். இந்த நிலையில் ஜூன் 9 ஆம் தேதி ஷாருக்கான், ரஜினிகாந்த் என நட்சத்திரங்கள் புடைசூழ இவர்களது திருமணம் பிரம்மாண்டமாக நடைபெற்றது.

அக்டோபர் 25: ஷாம்னா காசிம் - ஷனித் ஆசிஃப் அலி
பூர்ணா என தமிழ் ரசிகர்களால் அறியப்படும் மலையாள நடிகை ஷாம்னா துபாயைச் சேர்ந்த தொழிலதிபர் ஷனித் ஆசிஃப் அலியை திருமணம் செய்துகொண்டார்.

நவம்பர் 28: கௌதம் கார்த்திக் - மஞ்சிமா மோகன்
தேவராட்டம் படத்தில் இணைந்து நடித்த கௌதம் கார்த்திக்கும் மஞ்சிமா மோகனும் காதலித்து வந்த நிலையில், கடந்த நவம்பர் 28 ஆம் தேதி இருவரது திருமணமும் பெற்றோர்கள் முன்னிலையில் எளிமையாக நடைபெற்றது.

டிசம்பர் 4: ஹன்சிகா மோத்வானி - சோஹேல் கதுரியா
தமிழ், தெலுங்கு உள்ளிட்ட மொழிகளில் 50க்கும் மேற்பட்ட படங்களில் நடித்துள்ள நடிகை ஹன்சிகா மோத்வானிக்கும் அவரது காதலர் சோஹேல் கதுரியா என்பவருக்கும் கடந்த 4 ஆம் தேதி ஜெய்ப்பூரில் உள்ள முண்டாடோ அரண்மனையில் பிரம்மாண்டமாக திருமணம் நடைபெற்றது.