ஒரு ட்வீட்.. விவாகரத்து சர்ச்சை.. நச்சென விளக்கம் கொடுத்த விஷ்ணு விஷால்!

நடிகர் விஷ்ணு விஷால் 2009 ஆம் ஆண்டு வெளியான வெண்ணிலா கபடிக்குழு படத்தில் அறிமுகமானார்.

முதல் படத்திலேயே விஷ்ணு விஷாலுக்கு ஏராளமான ரசிகர்கள் உருவாகினார்கள்.அதைத்தொடர்ந்து குள்ளநரி கூட்டம், ஜீவா, இன்று நேற்று நாளை ஆகிய படங்களில் நடித்தார்.

2018 ஆம் ஆண்டு வெளியான ராட்சசன் திரைப்படம் வரவேற்பை பெற்றது

சமீபத்தில் விஷ்ணு விஷால், ஐஸ்வர்யா லட்சுமி நடிப்பில் கட்டா குஸ்தி திரைப்படம் வெளியானது.

இந்நிலையில் விஷ்ணு விஷால் சமீபத்தில் சமூக வலைதளத்தில் பதிவிட்ட கருத்து சர்ச்சையை கிளப்பியுள்ளது .

அந்த பதிவில் "பரவாயில்லை. மறுபடியும் நான் முயற்சி செய்தேன். மீண்டும் தோற்று விட்டேன். மறுபடியும் பாடம் கற்றுக்கொண்டேன். போனமுறை ஏற்பட்டது தோல்வி அல்ல. அது என் தவறும் அல்ல. அது துரோகம். ஏமாற்றம்'' என்று பதிவிட்டு இருந்தார்.

இதை பார்த்த ரசிகர்கள் இரண்டாவது மனைவியையும் விஷ்ணு விஷால் விவாகரத்து செய்கிறாரா என்று கேள்வி எழுப்பினர்.

இதற்கு விஷ்ணு விஷால் விளக்கம் அளித்துள்ளார். நான் பதிவிட்டது தவறாக புரிந்துக்கொள்ளப்பட்டு இருக்கிறது.அந்த பதிவு தொழில் ரீதியானது, சொந்த வாழ்க்கை சம்பந்தப்பட்டது அல்ல என கூறியுள்ளார்.