’மாஸ்டர்’ திரைப்படத்துக்காக இப்படி ஒரு வேலையை செய்திருக்கிறாரா விஜய் சேதுபதி?

மாஸ்டர் படம் குறித்த சுவாரஸ்யமான தகவல் வெளியாகியுள்ளது.

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் உள்ளிட்டோர் நடிப்பில் உருவாகியுள்ள படம் மாஸ்டர். கடந்த ஏப்ரல் மாதம் திரைக்கு வர வேண்டிய இத்திரைப்படம் கொரோனா அச்சுறுத்தலால் தள்ளிப்போயுள்ளது.

மாஸ்டர் படத்தின் ரிலீஸ் தள்ளிப்போனாலும் அவ்வப்போது சுவாரஸ்யமான தகவல்கள் வெளிவந்த வண்ணம் இருக்கின்றன. அந்த வகையில் கொடூர வில்லனாக பவானி என்ற கதாபாத்திரத்தில் விஜய் சேதுபதி இந்தப் படத்தில் நடித்திருப்பது அனைவரும் அறிந்ததே.

விஜய் சேதுபதியின் சிறுவயது கதாபாத்திரத்தில் மாஸ்டர் மகேந்திரன் நடித்திருக்கிறார். அவரது கதாபாத்திரத்துக்கும் சேர்த்து விஜய் சேதுபதியே டப்பிங் பேசியதாக கூறப்படுகிறது. தனது சிறுவயது குரலில் வித்தியாசம் தெரியக் கூடாது என்பதற்காகவே இதை அவர் செய்துள்ளாராம்.

லாக்டவுன் காலத்திலும் பிஸியாக இருக்கும் விஜய் சேதுபதி, தாடி மீசையுடன் புதிய லுக்கில் இருக்கும் புகைப்படங்களும் ரசிகர்களிடம் நல்ல வரவேற்பைப் பெற்றுள்ளன.