வாரிசு படக்குழுவினர் ரகசிய கொண்டாட்டம் - விஜய் வைத்த ட்ரீட் - வேற லெவல் தகவல்

விஜய் நடித்த வாரிசு திரைப்படம் கடந்த 11ம் தேதி வெளியானது.  அப்பா - மகன் செண்டிமென்ட் ஃபார்முலாவில் எடுக்கப்பட்டிருக்கும் இந்த திரைப்படத்திற்கு கலவையான விமர்சனங்களே கிடைத்திருக்கின்றன.

இருந்தாலும் பொங்கல் பண்டிகைக்கு வெளியான வாரிசு திரைப்படத்திற்கு ரசிகர்கள் ஆதரவளித்துவருகின்றனர்.

ஸ்ரீ வெங்கடேஸ்வரா சினி கிரியேஷன்ஸ் சார்பாக தில் ராஜு தயாரித்துள்ள இந்தப் படத்தை பிரபல தெலுங்கு இயக்குநர் வம்சி இயக்கியுள்ளார்.

இப்படத்தில் விஜய்க்கு ஜோடியாக ராஷ்மிகா நடிக்க, பிரபு, சரத்குமார், எஸ்.ஜே.சூர்யா, ஜெயசுதா, ஸ்ரீகாந்த், ஷாம், சங்கீதா, சம்யுக்தா, யோகி பாபு உள்ளிட்டோர் இந்தப் படத்தில் நடித்துள்ளனர்.

இந்த நிலையில் நடிகர் விஜய் பட குழுவினருக்கு சென்னை ஈ.சி.ஆரிலுள்ள ஒரு பிரபல நட்சத்திர ஹோட்டலில் விருந்தளித்துள்ளார்.  அதற்கான நிகழ்ச்சி ஏற்பாடு செய்யப்பட்டிருக்கிறது.  அதில் நடிகர் விஜய், ராஷ்மிகா மந்தனா உள்ளிட்ட படக்குழுவினர் பலரும் கலந்து கொண்டுள்ளனர். இந்த கொண்டாட்டம் மிக ரகசியமாக நடைபெற்றுள்ளதாக தகவல் வெளியாகியுள்ளது.

வாரிசு திரைப்படம் தமிழ்நாட்டில் நான்கு நாட்களில் 50 கோடி வசூலை நெருங்கிக் கொண்டுள்ளது. மேலும் வரும் நாட்களில் இன்னும் பல கோடிகளை வசூல் செய்யும் என எதிர்பார்க்கப்படுகிறது.  இந்த நிலையில் நடிகர் விஜய் பட குழுவினருடன் வெற்றியைக் கொண்டாடியுள்ளார் என்பது குறிப்பிடத்தக்கது.