பிச்சைக்காரன் 2 பட பாதிப்பா? - பிச்சைக்காரர்களுக்கு போர்வை, விசிறி வழங்கிய விஜய் ஆண்டனி

விஜய் ஆண்டனி தயாரித்து, நடித்து, இயக்கி, இசையமைத்து, எடிட் செய்துள்ள பிச்சைக்காரன் 2 படம் கடந்த மே 19 ஆம் தேதி வெளியாகி கலவையான விமர்சனங்களை பெற்றுவருகிறது.

இருப்பினும் நல்ல வசூலைப் பெற்றுவருவதாக தகவல்கள் தெரிவிக்கின்றன.

குறிப்பாக ஆந்திரா, தெலங்கானா மாநிலங்களில் இந்தப் படத்துக்கு நல்ல வரவேற்பு இருந்துவருவதாக கூறப்படுகிறது.

இந்த நிலையில் இன்று திருப்பதிக்கு வந்த விஜய் ஆண்டனி பிச்சைக்காரர்களுக்கு போர்வை, செருப்பு, பிளாஸ்டிக் விசிறி ஆகியவை உள்ளிட்ட பல்வேறு பொருட்களை வழங்கி அவர்களுடன் செல்பி எடுத்துக் கொண்டார்.

விஜய் ஆண்டனியை பார்த்து அவருடன் செல்பி எடுத்து கொள்வதற்காக ஏராளமான அளவில் ரசிகர்களும் குவிந்து இருந்தனர்.