குக் வித் கோமாளி வித்யூலேகாவின் தாத்தா இந்த பிரபலமா? அவர் பெயரில் சென்னையில் தெரு இருக்கிறதா?

பிரபல நடிகர் மோகன் ராமனின் மகள் வித்யூலேகா.

நீதானே என் பொன் வசந்தம் படத்தில் காமெடி வேடத்தில் நடித்து தமிழில் அறிமுகமானார். அந்தப் படத்தின் தெலுங்கு பதிப்பிலும் அதே வேடத்தில் நடித்தார்.

இதனையடுத்து தமிழ், தெலுங்கு மொழிகளில் காமெடி வேடங்களில் நடித்துவந்தார்.

வீரம், ஜில்லா, வேதாளம், காக்கி சட்டை, பவர் பாண்டி ஆகியவை இவர் நடிப்பில் முக்கியமான படங்கள்.

குக் வித் கோமாளி சீசன் 3 நிகழ்ச்சியிலும் மிகச் சிறப்பான பங்களிப்பை வழங்கினார்.

இந்த நிலையில் சென்னையின் வி.பி.ராமன் சாலை என்ற பெயர் பலகையின் முன் நின்று புகைப்படம் பகிர்ந்துள்ளார்.

அவரது பதிவில், எனது தாத்தா வி.பி.ராமன் பெயருடைய சாலையின் பெயர் பலகை முன் நிற்பது எனக்கு பெருமையாக இருக்கிறது. அவரை பெருமைப்படுத்தியதற்காக முதல்வர் மு.க.ஸ்டாலினுக்கும் தமிழக அரசுக்கும் நன்றி என்று குறிப்பிட்டுள்ளார்.

வி.பி.ராமன் தமிழகத்தின் அரசு தலைமை வழக்கறிஞராக பணியாற்றியவர். திமுக வில் இணைந்து செயலாற்றினார் என்பது குறிப்பிடத்தக்கது.