பிரபல நடிகரின் அண்ணனுக்கு 4-வது மனைவியாகும் வீட்ல விசேஷம் பட நடிகை?

கன்னடம் மற்றும் தெலுங்கு படங்களில் அதிகம் நடித்துள்ள பவித்ரா லோகேஷ், நடிகர் மகேஷ் பாபுவின் அண்ணன் நரேஷுக்கு 4-வது மனைவியாகியிருப்பதாக செய்திகள் வெளியாகியுள்ளன.

டோலிவுட் சூப்பர் ஸ்டார் மகேஷ் பாபுவின் மூத்த சகோதரர் நரேஷ், பிரபல நடிகரும் தயாரிப்பாளரும் ஆவார்.

அறுபது வயதான அவர் மூன்று முறை திருமணம் செய்து விவாகரத்து பெற்று மீண்டும் தனிமையில் இருப்பதாக தெலுங்கு சினிமா வட்டாரங்கள் கூறுகின்றன.

அவர் நடிகை பவித்ரா லோகேஷுடன் நெருக்கம் காட்டி வருவதாகவும், அவர்கள் தற்போது லிவ்-இன் ரிலேஷன்ஷிப்பில் இருப்பதாகவும் செய்திகள் வெளிவந்த வண்ணம் இருக்கின்றன.

இருவரும் ஒன்றாக மகாபலேஷ்வர் கோவிலுக்குச் சென்றதும், தங்கள் உறவை அவர்கள் அடுத்த கட்டத்திற்கு எடுத்துச் செல்லும் வகையில், திருமணம் செய்துக் கொண்டதாக இணையத்தில் தகவல்கள் பரவின.

இதை மறுத்த நரேஷின் பி.ஆர் டீம், பவித்ரா இயக்கும் வெப் சீரிஸ் ஒன்றை நரேஷ் தயாரிப்பதாகவும், அதனால் தான் அவர்கள் ஒன்றாக காணப்படுகிறார்கள் எனவும் விளக்கமளித்தது.

43-வயதான பவித்ரா லோகேஷ் சுசேந்திர பிரசாத் என்பவருக்கு இரண்டாவது மனைவியாக இருக்கிறார்.

தற்போது 2-வது கணவராக நரேஷை தேர்ந்தெடுத்திருப்பதாக தெலுங்கு நெட்டிசன்கள் கூறி வருகிறார்கள்.

இந்த தகவல் உண்மையாக இருந்தால், நரேஷுக்கு 4-வது மனைவியாக இருப்பார் பவித்ரா லோகேஷ்.

இவர் சமீபத்தில் வெளியான வீட்ல விசேஷம் படத்தில் அபர்ணா பாலமுரளியின் அம்மாவாக நடித்திருந்தது குறிப்பிடத்தக்கது.