Varsha Bollamma: கண் தானம் செய்த 96, பிகில் பட நடிகை வர்ஷா! குவியும் வாழ்த்துகள்...

நடிகை வர்ஷா பொல்லம்மா தனது கண்களை தானம் செய்துள்ளார்.

கர்நாடக மாநிலம் குடகில் பிறந்தவர் நடிகை வர்ஷா பொல்லம்மா.

பெங்களூருவில் தனது கல்லூரிப் படிப்பை முடித்தார். பின்னர் சினிமாவில் நடிக்க ஆரம்பித்தார்.

விஜய் சேதுபதி நடித்த 96 படத்தில் அவரிடம் ஃபோட்டோகிராஃபி கற்றுக் கொள்ளும் மாணவி பிரபாவாக நடித்திருந்தார்.

தொடர்ந்து விஜய்யுடன் பிகில் படத்திலும் நடித்திருந்தார்.

திருமணத்திற்குப் பிறகு கணவர் கட்டளையால் கால்பத்தாட்டத்தை துறந்த காயத்ரி, மீண்டும் மைதானத்திற்கு திரும்புவதாக பிகில் படத்தில் வர்ஷாவின் கதாபாத்திரம் அமைக்கப்பட்டிருக்கும்.

சமீபத்தில் வெளியான ஜி.வி.பிரகாஷின் செல்ஃபி படத்திலும் நடித்திருந்தார்.

இந்நிலையில் தற்போது தனது கண்களை தானம் செய்திருக்கிறார் வர்ஷா.

நாம் இறந்த பிறகும் இந்த உலகை பார்க்க வேண்டுமெனில் அதற்கு கண் தானம் செய்ய வேண்டும். அதுமட்டுமல்லாமல் இருளிலேயே இருப்பவர்களின் வாழ்க்கையில் நாம் செய்யும் கண் தான், ஒளி விளக்கை ஏற்றும்.

அந்த வகையில் கண் தானம் செய்த வர்ஷாவுக்கு ரசிகர்கள் தங்கள் வாழ்த்துகளை தெரிவித்து வருகின்றனர்.