2023-ல் அதிக எதிர்பார்ப்புகளை ஏற்படுத்தியிருக்கும் படங்கள்!

கடந்த செப்டம்பரில் வெளியான பொன்னியின் செல்வன் 1 திரைப்படம் மிகப்பெரிய வெற்றி பெற்றதையடுத்து, 2023 ஏப்ரலில் வெளியாகும் அதன் அடுத்த பாகம் மிகப்பெரிய எதிர்பார்ப்பை ஏற்படுத்தியுள்ளது.

வெற்றி - தோல்வியை தாண்டி விஜய் படங்கள் என்றாலே புதிய வசூல் சாதனைகளைப் படைக்கும். அந்த வகையில் விஜய்யின் வாரிசு திரைப்படம் ரிலீஸுக்கு முந்தைய பிஸினெஸில் பல கோடிகளை ஈட்டியுள்ளது. பொங்கலுக்கு வெளியாகும் இந்தப் படத்தின் மீது எதிர்பார்ப்பு எழுந்துள்ளது.

ஹெச்.வினோத் இயக்கத்தில் அஜித் நடிப்பில் இதற்கு முன்பு வெளியான இரண்டு படங்களையும் விட பொங்கலுக்கு வெளியாகும் துணிவு படத்தை அதிகம் எதிர்பார்த்து காத்திருக்கிறார்கள் ரசிகர்கள்.

நெல்சன் திலீப் குமார் இயக்கத்தில் ரஜினிகாந்த் நடித்துவரும் ஜெயிலர் திரைப்படத்தின் மீதான எதிர்பார்ப்பை சொல்லி தெரிய வேண்டியதில்லை.

இந்தியனின் வெற்றிக்குப் பிறகு நீண்ட இடைவெளிக்குப்பிறகு மீண்டும் இந்தியன் 2-வில் இணைந்துள்ளது கமல் ஹாசன் - ஷங்கர் கூட்டணி. இதன் வெளியீட்டை பெரிதும் எதிர்பார்க்கிறார்கள் ரசிகர்கள்.

மாஸ்டர் படத்திற்குப் பிறகு லோகேஷ் கனகராஜ் - விஜய் இணைந்துள்ள தளபதி 67 படம், படப்பிடிப்பு துவங்குவதற்கு முன்பே டாக் ஆஃப் தி டவுனாக மாறியது.

சிவா இயக்கத்தில் சூர்யா நடிப்பில் 10 மொழிகளில் வெளியாகும் சூர்யா 42 படம் அதிக எதிர்பார்ப்புகளை ஏற்படுத்தியுள்ளது.

தமிழ் - தெலுங்கில் வெளியாகவிருக்கும் தனுஷின் வாத்தி திரைப்படம்.

நீண்ட காலமாக தயாரிப்பில் இருக்கும் சிவகார்த்திகேயனின் அயலான் எதிர்பார்ப்பை ஏற்படுத்தியுள்ளது. சயின்ஸ் ஃபிக்‌ஷன் ஜானரில் உருவாகியிருக்கும் இப்படம் நல்ல வசூலையும் ஈட்டும் என எதிர்பார்க்கப்படுகிறது.