இதை அனைவரும் கற்றுக்கொள்ள வேண்டும் - முன்னாள் கணவர் மறைவு குறித்து வனிதா உருக்கம்

நடிகை வனிதா ஏற்கனவே இரண்டு திருமணங்கள் செய்து விவாகரத்து செய்த நிலையில் மூன்றாவதாக பீட்டர் பால் என்பவரை திருமணம் செய்து கொண்டதாக கூறப்பட்டது.

விஷுவல் எபெக்ட் பொறியாளரான பீட்டர் பால், வனிதாவின் யூடியூப் சேனலுக்கு உதவி செய்த போது இருவருக்கும் பழக்கம் ஏற்பட்டதாகவும் அதனை அடுத்து கடந்த 2020-ம் ஆண்டு திருமணம் செய்ததாகவும் கூறப்பட்டது.

இதனை தொடர்ந்து பீட்டர் பாலின் மனைவி எலிசபெத், விவாகரத்து வாங்காமல் திருமணம் செய்ததாக காவல்நிலையத்தில் புகார் அளித்தார். இதையடுத்து வனிதா விஜயகுமார் - பீட்டர் பாலின் திருமணம் பற்றி சர்ச்சைகள் வெடித்தன.

அடுத்த சில மாதங்களிலேயே வனிதாவும் பீட்டர் பாலும் பிரிந்தனர்.

இந்த நிலையில் கடந்த சில மாதங்களாக உடல் நலக்குறைவால் பாதிக்கப்பட்டிருந்த பீட்டர் பால்  மரணமடைந்ததாக தற்போது தகவல்கள் வெளியாகியுள்ளது.

பீட்டர் பாலின் மறைவுக்கு வனிதா இரங்கல் தெரிவித்துள்ளார். அவரது பதிவில், ''பிறருக்கு உதவுபவர்களுக்கு கடவுள் உதவுவார் என என் அம்மா சொல்வார். இது அனைவரும் கற்றுக்கொள்ள வேண்டிய பாடம். பாதைகள் பிரியும்போது மக்கள் தங்களுக்கான வழியைத் தேர்ந்தெடுத்துக்கொள்வார்கள்.

இதுவரை நீ சந்தித்து வந்த பிரச்னைகளிலிருந்து விலகி அமைதியை கண்டடைந்திருப்பாய் என நம்புகிறேன். எங்கே இருந்தாலும் மகிழ்ச்சியாக இரு'' என்று குறிப்பிட்டுள்ளார்.