வலிமை வில்லன் நடிகரின் திருமண புகைப்படங்கள்!

அஜித்தின் வலிமை படத்தில் வில்லனாக நடித்திருப்பவர் கார்த்திகேயா. இவருக்கு நேற்று ஹைதராபாத்தில் திருமணம் நடந்தது.

கார்த்திகேயா ஆந்திராவைச் சேர்ந்தவர். 2017-ல் வெளியான ப்ரேமதோ மீ கார்த்திக் என்ற படத்தில் அறிமுகமானார். அடுத்து நடித்த ஆர்எக்ஸ் 100 திரைப்படம் அவருக்கு பெயர் வாங்கித் தந்தது.

ஹிப்பி, கேங் லீடர், 90 எம்.எல் போன்ற படங்கள் கார்த்திகேயாவுக்கு தெலுங்கு திரையுலகில் ஓர் இடத்தைப் பெற்றுத் தந்தன.

வினோத் இயக்கத்தில் அஜித் நடித்துவரும் வலிமை படத்தில் கார்த்திகேயா வில்லனாக ஒப்பந்தம் செய்யப்பட்டார்.

இது அவரது முதல் தமிழ்ப் படமாகும். நேற்று அவர் கல்லூரியில் தன்னுடன் படித்த தனது நெடுநாளைய காதலி லோகிதாவை திருமணம் செய்து கொண்டார்.

இந்தத் திருமணத்தில் தெலுங்கு திரையுலகின் தயாரிப்பாளர்கள், இயக்குனர்கள், நடிகர்கள் என ஏராளமானோர் கலந்து கொண்டனர்.

முக்கியமாக மெகா ஸ்டார் சிரஞ்சீவி திருமணத்தில் கலந்து கொண்டு மணமக்களை வாழ்த்தினார். அவர் கறுப்புநிற சட்டையும், வேட்டியும் அணிந்து ஐயப்ப பக்தர் தோற்றத்தில் வந்திருந்தார்.

தெலுங்கின் முக்கியமான தயாரிப்பாளர் அல்லு அரவிந்தும் திருமணத்தில் கலந்து கொண்டு மணமக்களை வாழ்த்தினார்.

கார்த்திகேயா, லோகிதாவின் நெருங்கிய நண்பர்கள், உறவினர்களும் திருமணத்தில் கலந்து கொண்டனர்.

இது காதல் திருமணம். அதேநேரம் இருவீட்டார் சம்மதத்துடன் இந்தத் திருமணம் நடந்தது.

வலிமை படம் திரைக்கு வந்தால் கார்த்திகேயாவுக்கு அதிக தமிழ்ப் படங்கள் கிடைக்கும் என வலிமை படக்குழு கூறியுள்ளது.