விவாகரத்து போட்டோஷுட் நடத்திய டிவி நடிகை.. நறுக்கென பதிவு.. வைரலாகும் படங்கள்

திருமணம், குழந்தை பிறப்பு உள்ளிட்ட மகிழ்ச்சியான தருணங்களைப் பகிர வித்தியாசமான போட்டோஷூட் நடத்தப்படுவது சமீப காலமாக வழக்கமாகி வருகிறது. அந்த வகையில் சின்னத்திரை நடிகை ஷாலினி தனது கணவரிடமிருந்து விவாகரத்து பெற்றதை வித்தியாசமான போட்டோஷுட் மூலம் வெளிப்படுத்தியிருக்கிறார்.

ஜி தமிழ் தொலைக்காட்சியில் ஒளிபரப்பான முள்ளும் மலரும் தொடரில் நடித்து பிரபலமானவர் ஷாலினி. சில ரியாலிட்டி ஷோவிலும் ஷாலினி கலந்துகொண்டிருக்கிறார். ஷாலினி ஏற்கனவே திருமணமாகி விவாகரத்து பெற்ற நிலையில் ரியாஸ் என்பவரை காதலிக்கத் துவங்கியிருக்கிறார்.

ரியாஸ் ரசிகர் என்று பழகி பின்பு காதலிப்பதாக கூறியிருக்கிறார். இதனையடுத்து இருவரும் காதலித்து திருமணம் செய்துகொண்டிருக்கின்றனர். இருவருக்கும் பெண் குழந்தை பிறந்திருக்கிறது.

இந்த நிலையில் ஷாலினியை ரியாஸ் அடித்து துன்புறுத்தினாராம். மேலும் ரியாஸிற்கு வேறு சில பெண்களுடன் தொடர்பு இருப்பதும் ஷாலினிக்கு தெரியவந்து அவரை விவாகரத்து செய்திருக்கிறார்.

இதனையடுத்து விவாகரத்து பெற்றதைக் கொண்டாடும் விதமாக போட்டோ ஷுட் நடத்தியிருக்கிறார். அதில் ரியாஸுடன் தான் இருக்கும் படத்தைக் கிழிக்கும் போட்டோ ஹைலைட்டாக அமைந்துள்ளது.

விவாகரத்தைக் கொண்டாடும் விதமாக போட்டோ ஷுட் நடத்தியிருப்பது இந்தியாவில் இதுதான் முதல் முறை என்று கூறப்படுகிறது.

இதுகுறித்து பதிவிட்டுள்ள ஷாலினி, தவறான திருமணத்தை விட்டு விலகுவதும் நல்லது தான். காரணம் உங்களது மகிழ்ச்சி முக்கியம். உங்கள் மற்றும் உங்களது குழந்தைகளின் சிறப்பான எதிர்காலத்துக்கு தேவையான மாற்றத்தை செய்யுங்கள். விவாகரத்து என்பது தோல்வி அல்ல என்று பதிவிட்டுள்ளார்.