Trisha: 39-வது பிறந்தநாளை முன்னிட்டு திருப்பதியில் சாமி தரிசனம் செய்த த்ரிஷா!

மாடலாக இருந்து நடிகையானவர் நடிகை த்ரிஷா.

சிம்ரன் பிரசாந்த் நடித்த ஜோடி படத்தின் மூலம் நடிகையானார்.

பின்னர் மெளனம் பேசியதே படத்தில் ஹீரோயினானார்.

ரஜினி, கமல், விஜய், அஜித், விக்ரம், சூர்யா என அனைத்து முன்னணி நடிகர்களுடனும் நடித்துவிட்டார் த்ரிஷா.

தமிழ் மட்டுமல்லாமல் தெலுங்கிலும் அனைத்து முன்னணி நடிகர்களுடனும் நடித்துள்ளார்.

20 ஆண்டுகளுக்கும் மேலாக தமிழ் சினிமாவின் முன்னணி நடிகையாக மிளிர்கிறார்.

இந்நிலையில் இன்று தனது 39-வது பிறந்தநாளைக் கொண்டாடுகிறார் த்ரிஷா.

பிறந்தநாளை முன்னிட்டு திருப்பதி ஏழுமலையானை வழிபட்டார் த்ரிஷா.

பிறந்தநாளை முன்னிட்டு ஏழுமலையானை வழிபடுவதற்காக நேற்று இரவு திருப்பதி மலைக்கு வந்தார் த்ரிஷா. தொடர்ந்து இன்று காலை கோவிலுக்கு சென்ற அவர் விஐபி பிரேக் தரிசனம் மூலம் ஏழுமலையானை வழிபட்டார். சாமி கும்பிட்ட பின் அவருக்கு தேவஸ்தானம் சார்பில் தீர்த்த பிரசாதங்கள் வழங்கப்பட்டன. கோவிலில் இருந்து வெளியில் வந்த திரிஷாவுடன் ரசிகர்கள் செல்பி எடுத்து மகிழ்ந்தனர்.