பையனா ? பொண்ணா ? வைரலாகும் 'துணிவு' வில்லன் பகிர்ந்த படங்கள்

எஸ்எஸ் மியூசிக் டிவியில் தொகுப்பாளராக அறிமுகமாகி ரசிகர்களிடையே பிரபலமானவர் பூஜா ராமச்சந்திரன்.

ஏழாம் அறிவு, காதலில் சொதப்புவது எப்படி, நண்பன், பீட்சா, காஞ்சனா 2 போன்ற படங்களில் பூஜா நடித்திருக்கிறார்.

சில தெலுங்கு படங்களில் நடித்துள்ள பூஜா, தெலுங்கு பிக்பாஸ்  சீசன் 2 நிகழ்ச்சியில் போட்டியாளராக கலந்துகொண்டார் என்பது குறிப்பிடத்தக்கது.

சக தொகுப்பாளர் விஜே கிரேக்கை திருமணம் செய்து விவாகரத்து செய்திருந்தார் பூஜா.

கடந்த 2019 ஆம் ஆண்டு நடிகர் ஜான் கொக்கேன் என்பவரை பூஜா இரண்டாவது திருமணம் செய்துகொண்டார்.

வீரம் படத்தில் சிறிய வேடத்தில் நடித்திருந்த ஜான் கொக்கேன், சார்பட்டா பரம்பரை படத்தில் வேம்புலி என்ற வேடத்தில் கலக்கினார். அவரது நடிப்புக்கு விமர்சகர்கள் மத்தியில் நல்ல வரவேற்பை பெற்றது.

சமீபத்தில் பொங்கலை முன்னிட்டு திரையரங்குகளில் வெளியான துணிவு படத்திலும் வில்லனாக நடித்திருந்தார்.

பூஜா ராமச்சந்திரன், ஜான் கொக்கேன் இருவரும் உடற்பயிற்சி செய்யும் வீடியோக்கள் புகைப்படங்களை தங்களது இன்ஸ்டாகிராம் பக்கங்களில் பகிர, அவற்றுக்கென பிரத்யேக ஃபாலோயர்கள் இருக்கின்றனர்.

இந்த நிலையில் கர்ப்பமாக இருக்கும் பூஜாவுக்கு தற்போது வளைகாப்பு நடைபெற்றது. வளைகாப்பு புகைப்படங்களை ஜான் மற்றும் பூஜா தங்களது இன்ஸ்டாகிராம் பக்கத்தில் பகிர்ந்துள்ளனர்.

ஜான் கொக்கேன் தனது பதிவில், தனது குழந்தையிடம் பேசுவது போல பதிவிட்டுள்ள அவர், நீ எவ்வளவு அழகாக இருக்கிறாய் என்பதை காண ஆவலுடன் இருக்கிறேன். கெஸ் பண்ணமுடியுதா? பையனா ? பொண்ணா? என்று கேள்வி எழுப்பியுள்ளார். அவருக்கு பிரபலங்கள் வாழ்த்து தெரிவித்துவருகின்றனர்.