அஜித்தும் இல்ல... விஜய்யும் இல்ல... முதன்முதலில் தீனா படத்தில் நடிக்கவிருந்தது யார் தெரியுமா?

இயக்குநர் ஏ.ஆர்.முருகதாஸ் இயக்குநராக அறிமுகமான படம் தீனா. அதுவரை ரொமான்டிக் படங்களில் மட்டுமே நடித்துவந்த அஜித் இந்தப் படத்துக்கு பிறகே நடிகர் மாஸ் ஹீரோ அந்தஸ்த்துக்கு உயர்ந்தார்.

அஜித் - யுவன் கூட்டணி முதன்முறையாக இந்தப் படத்தில்தான் இணைந்தனர்.

இந்தப் படத்துக்கு பிறகே நடிகர் அஜித் தல என்ற அடைமொழியுடன் அழைக்கப்பட்டார். இப்படி பல சிறப்புகளை கொண்ட படம் தீனா. நடிகர் அஜித்தின் திரையுலக வாழ்க்கையில் மிக முக்கிய படம்.

இயக்குநர் எஸ்.ஜே.சூர்யாவிடம் வாலி படத்தில் ஏ.ஆர். முருகதாஸ் உதவி இயக்குநராக பணியாற்றினார். அப்போது அஜித்துக்கு தான் வேலை பார்த்தவிதம் பிடித்திருந்த காரணத்தால் தனக்கு ஒரு கதை இருந்தால் கூறுமாறு  அஜித் தன்னிடம் தெரிவித்ததாக ஏ.ஆர்.முருகதாஸ் ஒரு பேட்டியில் தெரிவித்திருந்தார்.

இப்படித்தான் சுந்தர்.சி இயக்கத்தில் உன்னைத் தேடி படப்பிடிப்பில் அஜித் நடித்தபோது அந்தப் படத்தின் உதவி இயக்குநரான சிங்கம் புலியின் பணி பிடித்துப்போய் தன்னை வைத்து ஒரு ஆக்சன் படம் தயார் செய்ய முடியுமா என அஜித் கேட்க அவருக்காக தயார் செய்ததுதான் ரெட் என சிங்கம் புலியும் பல பேட்டிகளில் தெரிவித்திருக்கிறார்.

மேலும் அஜித்துக்கு முன்பாக தீனா படத்துக்காக முதன்முதலில் விஜய்யை ஏ.ஆர்.முருகதாஸ் அணுகியதாகவும் ஒரு தகவல் இருக்கிறது.

இந்த நிலையில் தீனா படத்தின் கதையை நடிகர் பிரஷாந்த்திடம் தான் ஏ.ஆர்.முருகதாஸ் முதன்முதலில் சொன்னதாகவும் ஆனால் அப்போது நிறைய படங்களில் பிரஷாந்த் நடித்ததால் அவரால் தீனா படத்தில் நடிக்க முடியவில்லை எனவும் ஒரு பேட்டியில் அவரது தந்தையும் இயக்குநருமான தியாகராஜன் குறிப்பிட்டிருக்கிறார்.