மிஸ் பண்ணாதீங்க! இந்த வாரம் ஓடிடியில் வெளியாகும் புதுப்படங்கள், வெப் சீரிஸ்களின் லிஸ்ட்!

18 பேஜஸ் (18 Pages)
தெலுங்கில் நிகில் சித்தார்த்தா, அனுபமா பரமேஸ்வறன் நடிப்பில் கடந்த ஆண்டு டிசம்பர் 23 ஆம் தேதி வெளியான இந்தப் படம் ரசிகர்களிடையே நல்ல வரவேற்பை பெற்றது. புஷ்பா பட இயக்குநர் சுகுமார் இந்தப் படத்தின் கதையை எழுதியிருந்தார். பலன்டி சூர்ய பிரதாப் இயக்கிய இந்தப் படம் வருகிற 27 ஆம் தேதி நெட்ஃபிளிக்ஸ் தளத்தில் வெளியாகவிருக்கிறது.

அகெயின்ட்ஸ் தி ரோப் (Against The Ropes)
இந்த வெப் சீரிஸானது செய்யாத குற்றத்துக்காக சிறை தண்டனை அனுபவிக்கும் ஏஞ்சலா என்ற பெண் விடுதலையான பின் இழந்த தன் வாழ்வை மீட்டெடுப்பது தொடர்பான கதை. இந்த வெப் சீரிஸ் வருகிற 25 ஆம் தேதி நெட்ஃபிளிக்ஸ் தளத்தில் வெளியாகிறது.

ஆன் ஆக்சன் ஹீரோ (An Action Hero)
ஆயுஷ்மான் குரானா நடிப்பில் கடந்த டிசம்பர் 2 ஆம் தேதி வெளியான இந்தப் படம் விமர்சன ரீதியாக நல்ல வரவேற்பை பெற்றது. மானவ் என்ற புகழ்பெற்ற நடிகர் விபத்து ஒன்றில் சிக்கி தலைமறைவாகிறார். அதன் பின்னர் என்ன ஆனது என்பதை சுவாரசியமாக பதிவு செய்திருக்கிறார் இயக்குநர் அனிருத் ஐயர். இந்தப் படம் வருகிற 27 ஆம் தேதி நெட்ஃபிளிக்ஸ் தளத்தில் வெளியாகிறது.

அயலி (Ayali)
வீரபண்ணை என்ற கிராமத்தை சேர்ந்த தமிழ் செல்வி என்ற சிறுமி மருத்துவராக வேண்டும் என்ற கனவில் இருக்கிறார். தனது கிராமத்தின் நம்பிக்கைகள் மற்றும் பழக்க வழக்கங்களைத் தகர்த்தெறிந்து எப்படி மருத்துவராகிறார் என்பதே வெப் சீரிஸின் கதை. முத்துக்குமார் எழுதியுள்ள இந்தத் தொடரில் அபி நட்சத்திரா, அனுமோல், லிங்கா உள்ளிட்டோர் முக்கிய வேடங்களில் நடித்துள்ளனர். வருகிற 26 ஆம் தேதி ஜீ5 ஓடிடி தளத்தில் இந்த வெப் சீரிஸ் வெளியாகிறது.

பாடிஸ் பாடிஸ் பாடிஸ் (Bodies Bodies Bodies)
பாடிஸ் பாடிஸ் பாடிஸ் என்ற அமெரிக்க காமெடி ஹாரர் படம் வருகிற ஜனவரி 25 ஆம் தேதி நெட்ஃபிளிக்ஸ் ஓடிடி தளத்தில் வெளியாகிறது.

டேனியல் ஸ்பெல் பவுண்ட் சீசன் 2 (Daniel Spellbound Season 2)
டேனியல் ஸ்பெல் பவுண்ட் என்ற ஃபேண்டஸி வெப் தொடர் வருகிற ஜனவரி 26 ஆம் தேதி நெட்ஃபிளிக்ஸ் ஓடிடி தளத்தில் வெளியாகிறது. முதல் பாகத்துக்கு கிடைத்த வரவேற்பு காரணமாக இந்தப் பாகத்தின் மீது மிகுந்த எதிர்பார்ப்பு நிலவியது.

டியர் இஸ்க் (Dear Ishq)
இரண்டு வெவ்வேறு குணாதிசயங்கள் கொண்ட ஆணும் பெண்ணும் காதல் கொண்டால் அதன் பின் நடக்கும் நிகழ்வுகளை இந்த வெப்சீரிஸின் கதை. வருகிற 26 ஆம் தேதி டிஸ்னி பிளஸ் ஹாட்ஸ்டாரில் இந்தத் தொடர் வெளியாகிறது.

தமாக்கா (Dhamaka)
தெலுங்கில் ரவி தேஜா நடிப்பில் கடந்த டிசம்பர் 23 ஆம் தேதி திரையரங்குகளில் வெளியான இப்படம் ரூ.100 கோடிக்கும் அதிகமாக வசூலித்தது. இந்தப் படம் நேற்று நெட்ஃபிளிக்ஸ் தளத்தில் வெளியாகி பாராட்டுக்களை குவித்துவருகிறது.

ஜான்பாஸ் ஹிந்துஸ்தான் கே (Jaanbaaz Hindustan Ke)
ஹிந்தியில் ரெஜினா கேசன்ட்ரா நடிப்பில் ஜான்பாஸ் ஹிந்துஸ்தான் கே என்ற வெப் சீரிஸ் வருகிற 26 ஆம் தேதி நெட்ஃபிளிக்ஸ் ஓடிடி தளத்தில் வெளியாகிறது. இந்தியாவை காப்பாற்ற முயலும் காவ்யா ஐயர் என்ற பெண் ஐபிஎஸ் அதிகாரி பற்றிய கதை.

லாக்வுட் அண்ட் கோ (Lockwood & Co.)
இந்த வெப் சீரிஸானது டீனேஜை சேர்ந்த கோஸ்ட் ஹன்டர்ஸ் பற்றிய கதை. 8 எபிசோடுகள் கொண்ட இந்தத் தொடர் வருகிற 27 ஆம் தேதி நெட்ஃபிளிக்ஸ் ஓடிடி தளத்தில் வெளியாகிறது.

தி இன்விடேஷன்ஸ் (The Invitations)
தனது அம்மா இறந்த பிறகு டிஎன்ஏ பரிசோதனை செய்யும் ஈவி என்ற பெண் தனக்கு உறவினர்கள் யாரும் இல்லை என்பதை தெரிந்துகொள்கிறார். இந்த நிலையில் தூரத்து உறவினர் ஒருவரின் திருமண அழைப்பிதழை ஏற்று அவரது வீட்டுக்கு ஈவிக்கு தனது குடும்பம் குறித்து திடுக்கிடும் தகவல்கள் தெரிய வருகிறது. இந்த வெப் சீரிஸ் வருகிற 28 ஆம் தேதி நெட்ஃபிளிக்ஸில் வெளியாகிறது.