பூஜையுடன் தொடங்கியது ஜெயம் ரவியின் சைரன் படப்பிடிப்பு!

அறிமுக இயக்குனர் ஆண்டனி பாக்யராஜ் இயக்கத்தில் ஜெயம் ரவி நடிக்கும் சைரன் திரைப்படத்தின் பாப்பிடிப்பு நேற்று பூஜையுடன் தொடங்கியது.

ஜெயம் ரவி நடித்திருக்கும் பொன்னியின் செல்வன் திரைப்படம் செப்டம்பர் 30ஆம் தேதி வெளியாக உள்ளது.  இதைத் தொடர்ந்து அவருடைய நடிப்பில் அகிலன், இறைவன் என இரண்டு திரைப்படங்கள் உருவாகி வருகின்றன.

அந்தப் படங்களுக்கான இறுதி கட்ட வேலைகள் நடைபெற்று வருகின்றன. இந்த நிலையில் இயக்குனர் ராஜேஷ்.எம் இயக்கும் புதிய திரைப்படத்தில் ஜெயம் ரவி நடித்து வருகிறார். சமீபத்தில் அதற்கான படப்பிடிப்பு தொடங்கியது.

இந்நிலையில், Home Movie Makers சார்பில் தயாரிப்பாளர் சுஜாதா விஜயகுமார் தயாரிப்பில், தமிழ் திரைத்துறையின் முன்னணி நடிகர் ஜெயம் ரவி நடிப்பில் அறிமுக இயக்குநர் ஆண்டனி பாக்யராஜ் இயக்கும், புதிய திரைப்படமான “சைரன்” படத்தின் படப்பிடிப்பு நேற்று பூஜையுடன் தொடங்கியது.

மேலும், நடிகை கீர்த்தி சுரேஷ் முதல் முறையாக நடிகர் ஜெயம் ரவியுடன் இப்படத்தில் ஜோடி சேர்கிறார். முக்கிய கதாபாத்திரத்தில் நடிகை அனுபமா பரமேஷ்வரன் நடிக்கிறார். இவர்களுடன் நடிகர் சமுத்திரகனி மற்றும் யோகி பாபு உள்ளிட்டேர் நடிக்கின்றனர். திரைப்படத்திற்கு ஜி.வி.பிரகாஷ் குமார் இசையமைக்கிறார்.