எதற்கும் துணிந்தவன் படத்தின் அட்டகாசமான புகைப்படங்கள்...!

பாண்டிராஜ் இயக்கத்தில் சூர்யா நடித்திருக்கும் எதற்கும் துணிந்தவன் திரைப்படத்தின் அட்டகாசமான புதிய புகைப்படங்கள் வெளியாகியுள்ளன.

சூர்யா நடிப்பில் கடைசியாக வெளியான ஜெய்பீம், சூரரைப்போற்று இரண்டும் திரையரங்குகளுக்கு பதில் நேரடியாக ஓடிடி இல் வெளியாகின. இது ரசிகர்களுக்கு பெருத்த ஏமாற்றத்தை அளித்தது.

இந்நிலையில் நீண்ட இடைவெளிக்குப் பிறகு திரையரங்கில் வெளியாகும் சூர்யாவின் திரைப்படமாக எதற்கும் துணிந்தவன் வெளியாகிறது.

2022 பிப்ரவரி 4-ஆம் தேதி எதற்கும் துணிந்தவன் வெளியாகும் என சன் பிக்சர்ஸ் அறிவித்திருந்தது.

கொரோனா அதிகரிப்பால் ஊரடங்கு கட்டுப்பாடுகள் போடப்பட ஜனவரி மாதம் வெளியாக வேண்டிய திரைப்படங்கள் தங்கள் வெளியீட்டை தள்ளி வைத்தன.

அதனால் பிப்ரவரியில் வெளியாக வேண்டிய எதற்கும் துணிந்தவன் திரைப்படத்தையும் தள்ளி வெளியிட வேண்டிய நிர்பந்தம் ஏற்பட்டது.

இதனை தொடர்ந்து எதற்கும் துணிந்தவன் மார்ச் மாதம் 10 ஆம் தேதி வெளியாகும் என அறிவிக்கப்பட்டது.

தமிழகத்தில் இந்தப் படத்தை உதயநிதியின் ரெட் ஜெயன்ட் வெளியிடுகிறது.

தமிழ் மட்டுமின்றி தெலுங்கு, கன்னடம் உள்ளிட்ட மொழிகளிலும் படத்தை வெளியிடுகின்றனர்.

படத்தில் சூர்யா ஜோடியாக பிரியங்கா அருள்மோகன் நடித்துள்ளார்.

அவர்களுடன் வினய் ராய், சத்யராஜ், சரண்யா பொன்வண்ணன், சூரி, எம்எஸ் பாஸ்கர் ஆகியோரும் நடித்துள்ளனர்.

டி இமான் இசையமைக்க, ரத்னவேலு ஒளிப்பதிவு செய்துள்ளார். தமிழக திரையரங்குகளில் இத்திரைப்படம் 80 கோடியை தாண்டி வசூலிக்கும் என எதிர்பார்க்கப்படுகிறது.