'உடனடியாக நிறுத்துங்க' - சமந்தாவுக்கு அட்வைஸ் சொன்ன பிரபல நடிகர்

நடிகை சமந்தா, மயோசிடிஸ் எனப்படும் தசை அழற்சி குறைபாட்டால் பாதிக்கப்பட்டு அதற்கான சிகிச்சை பெற்றுவருகிறார்.

தனது உடல்நிலை பாதிப்பு குறித்து பதிவிட்ட சமந்தா, ''போராடிக்கொண்டே இருங்கள். நீங்கள் இன்னும் பலமாக தயாராவீர்கள். இன்னும் திடமாக மாறி கஷ்டங்களை எதிர்கொள்வீர்கள்'' என்று குறிப்பிட்டிருந்தார்.

இதன் ஒரு பகுதியாக சமீபத்தில் பழனி முருகன் கோவிலுக்கு வந்த சமந்தா, உடல் நலம் பெற வேண்டி, 600 படிகளில் சூடம் ஏற்றி வழிபாடு செய்தார்.

தற்போது ஃபேமிலி மேன் இயக்குநர்கள் ராஜ் மற்றும் டிகே இயக்கும் சிடாடெல் படத்தில் வருண் தவானுடன் நடித்துவருகிறார்.

இந்தப் படத்துக்காக நடிகை சமந்தா கடுமையாக உடற்பயிற்சி செய்யும் வீடியோ சமூக வலைதளங்களில் வைரலானது.

பாலிவுட் நடிகர் மனோஜ் பாஜ்பாய் சமந்தாவுடன் இணைந்து தி ஃபேமிலி மேன் 2 என்ற வெப் சீரிஸில் நடித்திருந்தார்.

இந்த நிலையில் சமந்தா குறித்து பேட்டி ஒன்றில் பேசிய மனோஜ், சமந்தா மிகவும் கடினமான உழைப்பாளி என்பது எனக்கு தெரியும்.

ஆனால் கடுமையான, வலி ஏற்படுத்தக் கூடிய உடற்பயிற்சியை நிறுத்த வேண்டும். எளிமையான உடற்பயிற்சிகளை மட்டுமே அவர் செய்ய வேண்டும் என அவர் வலியுறுத்தியுள்ளார்.