முதுமலையில் ஷூட்டிங்.. சுட்டியான யானைக்குட்டி.. ஆஸ்கர் வென்ற குறும்படத்தின் நெகிழ்ச்சிக்கதை!

ஆஸ்கர் விருதை வென்று சர்வதேச அளவில் கவனம் ஈர்த்துள்ளது தி எலிபன்ட் விஸ்பரர் ஆவணப்படம் இந்த ஆவணப்படம் பேசும் கதை என்ன என்பதை இங்கே குறிப்பிடுகிறோம்.

முதுமலை வனப்பகுதியில் உள்ள தெப்பக்காடு என்ற கிராமத்தில் படமாக்க பட்டது இந்த எலிபன்ட் விஸ்பரர் ஆவணப்படம்.

யானைகளுக்காக வைக்கப்படும் மின்வேலியில் சிக்கிக் கொள்ளும் குட்டி யானையான ரகு மற்றும் அம்மு ஆகிய இரண்டு குட்டி யானைகளை பொம்மன் மற்றும் பெல்லி என்ற மலைவாழ் தம்பதி வளர்த்து வேறுபாகனுடனிடம் கொடுக்கும் வரை அந்த யானை குட்டிகளுக்கும் பொம்மன் பெல்லி தம்பதிக்கும் இடையே உள்ள பாச போராட்டங்களை விளக்கும் வண்ணம் இந்த ஆவணப்படம் உருவாகி உள்ளது.

பெல்லி என்ற மலைவாழ் பெண் பேசும் வார்த்தைகளுக்கு ரகு என்ற யானை குட்டி கட்டுப்படும் விதமும் வெள்ளியின் கட்டளைகளை கேட்டு ரகு முட்டிப்போட்டு பணியும் காட்சிகளும் ஒட்டுமொத்த உலக அரங்கின் கவனத்தையும் ஈர்த்தது.

ஊட்டியில் பிறந்து கோவையில் கல்லூரி படிப்பை முடித்த Kartiki Gonsalves என்ற பெண் ஆவணப்பட இயக்குனரின் முதல் ஆவணப்படத்திற்கே ஆஸ்கர் விருது கிடைத்துள்ளது தமிழகத்தைச் சேர்ந்த பலருக்கும் பெருமையான ஒரு நிகழ்வாக பார்க்கப்படுகிறது.

நெட்பிளிக்ஸ் வலைதளத்தில் 2022-ஆம் ஆண்டு டிசம்பர் மாதம் வெளியான இந்த ஆவணப்படம் வெளியான நாள் முதலே பல்வேறு சர்வதேச அரங்குகளின் கவனத்தை ஈர்த்து வந்த நிலையில் தற்பொழுது ஆஸ்கர் விருதையும் வென்று இந்தியாவிற்கு பெருமை சேர்த்துள்ளது.