'வாரிசு' பட வெளியீடு - கோவில் கோவிலாகச் சென்ற 'தளபதி 67' தயாரிப்பாளர்

வாரிசு திரைப்படத்தில் விஜய்யுடன் ராஷ்மிகா மந்தனா, சரத்குமார், பிரகாஷ்ராஜ், யோகி பாபு, குஷ்பூ உள்ளிட்ட பல முன்னணி நட்சத்திரங்கள் நடித்திருக்கின்றனர். தெலுங்கு இயக்குநர் வம்சி இயக்கத்தில் உருவாகியுள்ள இந்தப் படம் குடும்ப உறவுகளை மையபடுத்திய ஃபேமிலி டிராமாவாக உருவாகியுள்ளது.

இந்தப் படத்தின் டிரெய்லர் நேற்று வெளியாகி கலவையான விமர்சனங்களைப் பெற்றது. இருப்பினும் 24 மணி நேரத்தில் இந்த டிரெய்லரை 23 மில்லியன் பார்வையாளர்களையும், 1.8 மில்லியன் லைக்குகளையும் பெற்று சாதனை படைத்தது.

வாரிசு திரைப்படத்தின் தமிழ்நாடு வெளியீட்டு உரிமையை மாஸ்டர் திரைப்படத்தின் தயாரிப்பாளர் லலித் குமார் கைப்பற்றினார். இவர்தான் தற்போது விஜய் நடித்துவரும் தளபதி 67 படத்தையும் பிரம்மாண்டமாக தயாரிக்கிறார் என்பது குறிப்பிடத்தக்கது.

தமிழகத்தில் சுமார் 480 திரையரங்குகளுக்கு மேல் வாரிசு படத்தை லலித் குமார் திரையிடுகிறார். வாரிசு திரைப்படத்தின் பாடல் வெளியீட்டு விழா சமீபத்தில் நடைபெற்றது. அந்த விழாவிலும் இவரின் பங்களிப்பு இருந்தது.

இந்த நிலையில் வாரிசு உரிமையைக் கைப்பற்றிய லலித் குமார் ஆறுபடை முருகன் கோயில்கள், நவகிரக கோவில்கள் மற்றும் திருப்பதி வெங்கடாசலபதி கோயிலுக்கு சென்று வந்த பிறகு வாரிசு திரைப்படத்தின் வேலைகளை தொடங்கியுள்ளார். இந்த திரைப்படம் தமிழ்நாட்டில் தனக்கு நல்ல லாபத்தை பெற்று தரும் எனவும் அவர் எண்ணுகிறார்.