'திருப்பி கொடுக்கும் நேரம் மாமு....' 'வாரிசு' ஓடிடி வெளியீடு அறிவிப்பு - ஆர்வமாக காத்திருக்கும் விஜய் ரசிகர்கள்

தெலுங்கு இயக்குநர் வம்சி இயக்கத்தில் விஜய் நடித்து கடந்த ஜனவரி 11 ஆம் தேதி திரையரங்குகளில் வெளியான வாரிசு கலவையான விமர்சனங்களையே பெற்றது.

இருப்பினும் ரசிகர்களின் பேராதரவால் இந்தப் படம் ரூ. 300 கோடிக்கும் அதிகமாக வசூலித்துள்ளதாக தயாரிப்பு நிறுவனம் அறிவித்துள்ளது.

வெளியாகி ஒரு மாதத்துக்கு மேலாகியும் தியேட்டருக்கு மக்கள் ஆர்வமாக சென்று வாரிசு படத்தைப் பார்த்துவருகின்றனர்.

தமனின் இசையில் இந்தப் படத்தின் பாடல்களுக்கு திரையரங்குகளில் நல்ல வரவேற்பு கிடைத்த நிலையில் யூடியூபிலும் வெளியாகி அதிக பார்வையாளர்களைப் பெற்றுவருகிறது.

இந்த நிலையில் இந்தப் படம் வருகிற 22 ஆம் தேதி முதல் அமேசான் பிரைம் ஓடிடி தளத்தில் வெளியாகவுள்ளதாக அந்நிறுவனம் அறிவித்துள்ளது.

திரையரங்குகளைப் போலவே குடும்ப சென்டிமென்ட்டுகள் நிறைந்த இந்தப் படம் நல்ல வரவேற்பைப் பெறும் என்று கூறப்படுகிறது.

தற்போது துணிவு படத்துக்கு ஓடிடியில் இந்திய அளவில் நல்ல வரவேற்பு கிடைத்துவரும் நிலையில் வாரிசு படத்தை விஜய் ரசிகர்கள் மிகவும் எதிர்பார்த்து காத்திருக்கிறார்கள்.