'பூவே உனக்காக' சங்கீதாவின் கணவர்தான் சிம்பு படத்தின் இயக்குநரா? புதுசா இருக்கே?

தளபதி விஜய் தற்போது தமிழின் முன்னணி நடிகராக இருக்கிறார். லோகேஷ் கனகராஜ் இயக்கத்தில் பெரும் பொருட் செலவில் உருவாகும் லியோ எனும் படத்தில் நடித்துவருகிறார்.

பான் இந்தியா படமாக உருவாகி வரும் இந்தப் படத்தை ஒட்டுமொத்த இந்தியத் திரையுலகமே எதிர்பார்த்து காத்திருக்கிறது. சஞ்சய் தத், அர்ஜுன் உள்ளிட்ட முன்னணி நட்சத்திரங்கள் இந்தப் படத்தில் நடித்து வருகின்றனர்.

ஒரு பெரிய ஸ்டாராக மக்கள் மனதில் நடிகர் விஜய் உயர்ந்ததற்கு காரணமான படங்களில் இயக்குநர் விக்ரமனின் பூவே உனக்காக நிச்சயம் முதல் இடம் தரலாம்.

இந்தப் படம்தான் நடிகர் விஜய்யை ஒரு நடிகனாக குடும்ப ரசிகர்களிடையே கொண்டு சென்றது. இன்றளவும் பல 90ஸ் கிட்ஸ்களின் ஃபேவரைட் படமாக பூவே உனக்காக இருந்துவருகிறது.

இந்தப் படத்தில் விஜய்யுடன் நாகேஷ், நம்பியார், மலேசியா வாசுதேவன், சங்கீதா, சார்லி என பெரும் நட்சத்திர பட்டாளமே நடித்திருந்தனர். எஸ்.ஏ.ராஜ்குமார் இசையில் ஆனந்தம் ஆனந்தம் பாடும் உள்ளிட்ட பல பாடல்கள் படத்துக்கு பெரும் பக்கபலமாக அமைந்தன. இந்தப் படத்துக்கு ஒளிப்பதிவு செய்தவர் எஸ். சரவணன்.

ஒளிப்பதிவாளர் சரவணன் நடிகர் விஜய்யின் செல்வா, ஷாஜகான், மதுரை, திருப்பாச்சி ஆகிய படங்களுக்கு ஒளிப்பதிவு செய்திருக்கிறார்.

பூவே உனக்காக பட கதாநாயகி சங்கீதாவை ஒளிப்பதிவாளர் சரவணன் கடந்த 2000 ஆம் ஆண்டு காதல் திருமணம் செய்துகொண்டார்.

சிம்பு நடிப்பில் கடந்த 2008 ஆம் ஆண்டு வெளியான சிலம்பாட்டம் படத்தை சரவணன் இயக்கினார் என்பது குறிப்பிடத்தக்கது.

இவரது இயக்கத்தில் கௌதம் கார்த்திக், லட்சுமி மேனன் நடித்துள்ள சிப்பாய் படம் வெளியீட்டுக்கு தயாராக இருக்கிறது.