எதிர்பார்ப்பை எகிற வைக்கும் விஜய் - லோகேஷ் கனகராஜ்... வைரலாகும் தளபதி 67 பூஜை படங்கள்!

நடிகர் விஜய்யின் தளபதி 67 படத்தின் பூஜை படங்களை படக்குழுவினர் வெளியிட்டுள்ளனர்.

நடிகர் விஜய்யின் மாஸ்டர் படத்திற்குப் பிறகு மீண்டும் அவருடன் இணைந்திருக்கிறார் இயக்குநர் லோகேஷ் கனகராஜ்.

விக்ரம் படத்தைத் தொடர்ந்து மீண்டும் விஜய் - லோகேஷ் இணைவதாக செய்திகள் வெளியாகின. இதனை இயக்குநரும் பல இடங்களில் உறுதிப்படுத்தினார்.

சில தினங்கள் முன்பு இது குறித்த அதிகாரப்பூர்வ அறிவிப்பு வெளியானது. தளபதி 67 என்றழைக்கப்படும் இப்படத்தை மாஸ்டர் படத்தை தயாரித்த செவன் ஸ்கிரீன் ஸ்டூடியோ தயாரிக்கிறது.

பாலிவுட் நடிகர் சஞ்சய் தத், அர்ஜுன், இயக்குநர்கள் மிஷ்கின், கெளதம் மேனன், மன்சூர் அலிகான், மேத்யூ தாமஸ், நடிகைகள் த்ரிஷா, பிரியா ஆனந்த் ஆகியோரும் தளபதி 67-ல் நடிப்பதாக அறிவிக்கப்பட்டுள்ளது.

14 வருடத்துக்குப் பிறகு மீண்டும் விஜய்யுடன் நடிக்கிறார் த்ரிஷா.

இவர்கள் இருவரையும் மீண்டும் திரையில் பார்ப்பதில் இப்போதே உற்சாகமாகியிருக்கிறார்கள் ரசிகர்கள்.

தளபதி 67 படத்துக்கு இசையமைப்பாளர் அனிருத் இசையமைக்கிறார்.

இப்படத்தின் பூஜை கடந்த டிசம்பர் முதல் வாரத்திலேயே முடிவடைந்து, படப்பிடிப்பும் ஆரம்பமானது.

நேற்று தளபதி 67 படத்தின் பூஜை வீடியோவை வெளியிட்டனர் படக்குழுவினர்.

இதையடுத்து அந்தப் படங்களும் வெளியாகின.

அந்தப் படங்கள் சமூக வலைதளங்களில் கவனம் ஈர்த்து வருகின்றன.