எந்தெந்த நடிகர்களின் படங்கள் இதுவரை 10 நாட்களில் 300 கோடி வசூல் செய்துள்ளது ?

தமிழ் சினிமாவில் முன்னணி நடிகர்களாக ரஜினி, விஜய், அஜித் ஆகியோர் வலம் வருகின்றனர். இவர்களின் படங்கள் தான் பல வசூல் சாதனைகளையும் நிகழ்த்தியுள்ளது.அந்த வகையில் 10 நாட்களில் 300 கோடி வசூல் செய்த தமிழ் படங்களின் பட்டியல் இதோ..

சங்கர் இயக்கத்தில் வெளியான எந்திரன் படம். இந்த படம் 2010 ஆம் ஆண்டு ரிலீஸானது. இந்த படம் நாம் இதுவரை பார்த்திராத கதை அம்சத்தை கொண்டிருந்ததால் மிகுந்த வரவேற்பு கிடைத்தது. எந்திரன் படம் 10 நாட்களில் உலகம் முழுவதும் 300 கோடியை வசூல் செய்தது.

எந்திரன் பாகம் ஒன்றை தொடர்ந்து 2.0 என்ற இரண்டாவது பாகம் 2018 ஆம் ஆண்டு வெளியானது. இதில் ஹிந்தி நடிகர் அக்‌ஷய் குமார் நடித்திருந்தார். இந்த படமும் அதே வசூல் சாதனை படைத்தது.

பா.ரஞ்சித் இயக்கத்தில் 2016 ஆம் ஆண்டு கபாலி படம் வெளியானது. இந்த படமும் 10 நாட்களில் 300 கோடி வசூல் சாதனை படைத்தது. ரஜினிகாந்த் படங்களே இதுவரை அதிகளவில் வசூல் சாதனை படைத்துள்ளது.

இந்நிலையில் சமீபத்தில் லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, ஃபகத் பாசில் நடிப்பில் வெளியான விக்ரம் படம் 10 நாட்களில் 300 கோடி வசூலித்துள்ளது. இந்த படத்தை ரசிகர்கள் கொண்டாடி வருகின்றனர்.தமிழகத்தில் 100 கோடியை தாண்டி வசூலித்து வரும் விக்ரம் திரைப்படம், உலகம் முழுவதும் இதுவரை ரூ.310 கோடி வசூலித்துள்ளதாம்.