டிவியில் அறிமுகமாகி பின் சினிமா பிரபலங்களாக ஜொலிக்கும் தமிழ் நடிகர், நடிகைகள்

இந்த தலைப்பின் கீழ் நடிகர் சந்தானம் மற்றும் சிவகார்த்திகேயன், லேடி சூப்பர் ஸ்டார் நயன்தாரா பற்றி பேசினால் செம்ம 'போரிங்' ஆக இருக்கும் என்பது வெளிப்படை. ஏனெனில் இவர்களின் "டெலிவிஷன் டூ சினிமா" கதைகள் ஊருக்கே தெரியும். எனவே தான் சில சுவாரசியமான பெயர்களை இங்கே பட்டியலிட்டு உள்ளோம்.

"நம்ம மக்கள் செல்வன் விஜய் சேதுபதி, ஒரு பழைய சன் டிவி சீரியலில் நடித்து இருக்கிறார்!" என்று கூறினால் யாரும் ஷாக் ஆக மாட்டீர்களா? - அப்போதும் பரவாயில்லை. ஏனெனில், டிவியில் அறிமுகமாகி பின்னர் சினிமாவில் பிரபலங்களாக உருமாறிய தமிழ் நடிகர், நடிகைகள் பட்டியலில் விஜய் சேதுபதி மட்டும் இல்லை, நீங்கள் கற்பனை கூட செய்து பார்த்திராத பல நடிகர் நடிகைகள் உள்ளன. அவர்களின் பெயர்களை சொன்னால் நம் பலரின் புருவங்கள் உயரும்!

பிரகாஷ் ராஜ்:தமிழ் திரையுலகிற்குள் நுழைவதற்கு முன்பு, நடிகர் பிரகாஷ் ராஜ் கன்னட திரைப்படத்தில் மட்டுமின்றி மற்றும் டிவி சீரியல்களிலும் நடித்துள்ளார். 'பிசிலு குதிரை' மற்றும் 'குட்டடா பூதா' போன்ற தூர்தர்ஷன் தொடர்களின் வழியாகவே பிரகாஷ் ராஜின் கலை வாழ்க்கை தொடங்கியது.

சமுத்திரக்கனி:சமுத்திரக்கனி ஓரு இயக்குனராக கோலிவுட்டில் தன்னை நிலைநிறுத்திக் கொள்வதற்கு முன், தன் நடிப்பு திறனை பல டிவி சீரியல்களில் வெளிப்படுத்தி உள்ளார். சமுத்திரக்கனி முதல் முதலில் நடித்தது கே.பாலசந்தரின் ரமணி Vs ரமணி சீரியலில் தான், பிறகு சன் டிவியின் அரசி மற்றும் ஜெயா டிவியின் அன்னி சீரியலிலும் இவர் நடித்து உள்ளார்.

மாதவன்: நடிகர் மாதவன் இந்தி டிவி சீரியல்களில் நடித்த பிறகே சினிமாவிற்குள் நுழைந்தார். மாதவனின் கலை வாழ்க்கை - சீ ஹாக்ஸ் மற்றும் கர் ஜமாய் போன்ற சீரியல்களின் வழியாகவே ஆரம்பமானது.

சூரி:நகைச்சுவை நடிகர் சூரி, 'பரோட்டா சூரி' ஆக புகழ் பெறுவதற்கு முன், அதாவது திரைப்பட அறிமுகத்திற்கு முன் திருமதி செல்வம் சீரியலில் நடித்திருந்தார்.

விஜய் சேதுபதி: சினிமாவில் பெரிய அளவில் அங்கீகாரம் கிடைக்காத நேரத்தில், அதாவது 2006-ல் சன் டிவியில் ஒளிபரப்பான பெண் என்கிற டிவி சீரியலில் நம்ம மக்கள் செல்வன் விஜய் சேதுபதி நடித்திருந்தார். தவிர கலைஞர் டிவியின் பிரபல ரியாலிட்டி ஷோவான நாளைய இயக்குனர் நிகழ்ச்சியில் இயக்குனர் கார்த்திக் சுப்புராஜின் டீமில் ஒரு அங்கமாகவும் இருந்தார் விஜய் சேதுபதி.

அட்டகத்தி தினேஷ்: தற்செயலாக நடிகர் தினேஷும் சன் டிவியின் பெண் சீரியலில் இருந்து தான் தன் கலை வாழ்க்கையை தொடங்கினார்.

சின்னக்கலைவானர் விவேக்: நகைச்சுவை நடிகர் விவேக் 1993-இல் ஒரு சில படங்களில் நடத்த பின்னர் 'டாப் டக்கர்' என்கிற டிவி ஷோவில் தோன்றினார். மேலும் சுவாரசியமான விடயம் என்னவென்றால் 'டாப் டக்கர்' நிகழ்ச்சியின் தயாரிப்பாளர்களுக்கு புதுமுக இயக்குனர் ஒருவரையும் விவேக்கே அறிமுகம் செய்து வைத்தார் - அவர்தான் ரமேஷ் கண்ணா!

ஹன்சிகா மோத்வானி: நன்றாக யோசித்து பாருங்கள், ஷகா லகா பூம் பூம் என்கிற டிவி சீரியலில் நடித்த க்யூட் ஆன குட்டி பெண் யார் என்று? வேறு யாரும் இல்ல, நம்ம ஹன்சிகா தான்!

சாய் பல்லவி: சாய் பல்லவி, உங்களில் யார் அடுத்த பிரபு தேவா உட்பட, பல்வேறு நடன ரியாலிட்டி ஷோக்களில் போட்டியாளராக கலந்து கொண்ட பின்னரே பிரேமம் திரைப்படத்தில் அறிமுகமானார்

ஐஸ்வர்யா ராஜேஷ்: அசத்த போவது யாரு? நிகழ்ச்சியை தொகுத்து வழங்கிய ஐஸ்வர்யா ராஜேஷ் மானாட மயிலாட டான்ஸ் ரியாலிட்டி ஷோவின் போட்டியாளராகவும் கலக்கினார், பிறகே சினிமாவிற்குள் நுழைந்தார்.