YearEnder 2022: காதல் முதல் கல்யாணம் வரை... 2022-ல் திருமணம் செய்துக் கொண்ட பிரபலங்கள்!

தமிழ் சினிமாவில் பல ஆண்டுகளாக காதல் ஜோடிகளாக வலம் வந்த நயன்தாரா - விக்னேஷ் சிவன் இருவரும் கடந்த ஜூன் மாதம் திருமணம் செய்துக் கொண்டனர். ஆனால் வாடகைத்தாய் விவகாரத்தின்போது, அவர்கள் 2016 மார்ச் மாதமே பதிவுத் திருமணம் செய்துக் கொண்டதாகக் கூறினர்.

ஹன்சிகா தனது காதலர் சோஹெல் கதூரியாவை கடந்த 4-ம் தேதி திருமணம் செய்துக் கொண்டார்.

தேவராட்டம் படத்தில் ஒன்றாக நடித்து பின் காதலில் விழுந்த, கெளதம் கார்த்திக் - மஞ்சிமா மோகன் ஜோடி கடந்த நவம்பர் 23-ம் தேதி திருமணம் செய்துக் கொண்டது.

படங்களில் ஒன்றாக நடித்து காதலிக்கத் தொடங்கிய ஆதி - நிக்கி கல்ராணி இருவரும் கடந்த மே மாதம் திருமணம் செய்துக் கொண்டனர்.

தமிழ் சினிமாவின் குட்டி அசின் எனப் பெயர் பெற்ற பூர்ணா கடந்த அக்டோபர் மாதம் தனது காதலர் ஆசிப் அலியை துபாயில் திருமணம் செய்துக் கொண்டார்.

பியார் பிரேமா காதல், தாராள பிரபு உள்ளிட்ட சில படங்களில் நடித்த ஹரீஷ் கல்யாண், நர்மதா உதயக்குமாரை கடந்த அக்டோபர் இறுதியில் திருமணம் செய்துக் கொண்டார்.

இசைப்புயல் ஏ.ஆர்.ரஹ்மானின் மூத்த மகள் கதீஜா ரஹ்மானுக்கும் சவுண்ட் இன்ஜினியர் ரியாசுதீன் என்பவருக்கும் மே மாதம் திருமணமும், ஜூன் மாதம் பிரமாண்ட வரவேற்பும் நடைப்பெற்றது.

முதல் மனைவியை பிரிந்த இசையமைப்பாளர் டி.இமான், அமலி என்பவரை கடந்த மே மாதம் இரண்டாவதாக திருமணம் செய்துக் கொண்டார்.