இந்தியன் 2 படத்தில் காஜல் அகர்வாலுக்கு பதில் தமன்னா...?

இந்தியன் 2 படத்தில் காஜல் அகர்வாலுக்குப் பதில் தமன்னா நடிக்கலாம் என்கின்றன செய்திகள்.

ஷங்கர், கமல் கூட்டணியில் உருவான இந்தியன் படத்தின் இரண்டாம் பாகமாக இந்தியன் 2 உருவாகிறது.

லைகா நிறுவனம் இந்தப் படத்தைத் தயாரிக்கிறது.  லைகா, ஷங்கர் தகராறு, படப்பிடிப்பில் ஏற்பட்ட விபத்தில் 3 பேர் மரணமடைந்தது என இந்தியன் 2 தொடங்கியது முதலே பிரச்சனைகள் தான்.

அதனால் படம் தற்போது பாதியில் நிற்கிறது.

தற்போது அனைத்தும் முடிவுக்கு வந்து ஷங்கரும் மீதி படத்தை இயக்க ஒப்புக் கொண்ட நிலையில், படத்தின் நாயகி காஜல் அகர்வால் கர்ப்பமாக இருப்பதாகக் கூறப்படுகிறது.

அதனால் அவரை நீக்கிவிட்டு, அவருக்குப் பதில் தமன்னாவை நடிக்க வைக்க திட்டமிட்டுள்ளனராம் படக்குழுவினர்.

காஜல் அகர்வால் ஒருவார காலம் மட்டுமே இந்தியன் 2 படப்பிடிப்பில் கலந்து கொண்டார்.

அதனால், அந்தக் காட்சிகளை நீக்கிவிட்டு தமன்னாவை வைத்து புதிதாக எடுக்க திட்டமாம்.

தமன்னா இதுவரை கமலுடன் இணைந்து நடித்ததில்லை. அதேபோல் ஷங்கர் படத்தில் அவர் நடிப்பதும் இதுவே முதல்முறை.

தமன்னா நடிப்பில் தமிழில் கடைசியாக ஆக்ஷன் படம் வெளிவந்தது. அதேநேரம் தெலுங்கு, இந்தியில் தொடர்ந்து நடிக்கிறார்.

சிரஞ்சீவி நடிக்கும் போலா சங்கர் படத்தில் தமன்னா தான் நாயகி. இது வேதாளம் படத்தின் தெலுங்கு ரீமேக்காகும்.

ஷங்கர், ராம் சரணை வைத்து தெலுங்குப் படத்தை இயக்கி வருகிறார்.

அடுத்த வருட ஆரம்பத்தில் இந்தியன் 2 படத்தை அவர் இயக்கலாம் என கூறப்படுகிறது.

தமன்னா படங்கள்

தமன்னா படங்கள்