என்னுடைய க்ரஷ் அவர் தான்... உண்மையை உடைத்த தமன்னா!

விஜய் வர்மாவுடனான காதல் வதந்திகளுக்கு முற்றுப்புள்ளி வைத்திருக்கிறார் நடிகர் தமன்னா.

நடிகை தமன்னாவும் நடிகர் விஜய் வர்மாவும் காதலிப்பதாக பேசப்பட்டது. தற்போது இறுதியாக அதை வதந்தி எனக்கூறி முற்றுப்புள்ளி வைத்திருக்கிறார் தமன்னா.

”நானும் விஜய் வர்மாவும் ஒரு படத்தில் இணைந்து நடித்திருக்கிறோம். தேவையில்லாத வதந்திகள் எங்களை சுற்றி வருகின்றன. ஒவ்வொருவருக்கும் இது குறித்து விளக்க அவசியமில்லை. இதைப்பற்றி பேச வேறு ஒன்றுமில்லை” என்றார் தமன்னா.

இதற்கிடையே இந்தி திரையுலகில் அறிமுகமான தமன்னா தற்போது 18 வருடங்களை நிறைவு செய்திருக்கிறார்.

இது குறித்து பேசிய அவர், ’இப்போது காட்சிகள் மாறிவிட்டன. நான் கரீனா கபூர் மற்றும் தபுவை பார்த்து வளர்ந்தவள். குறிப்பாக தபுவை எனக்கு மிகவும் பிடிக்கும்.

சொல்லப்போனால் அவர் மீது எனக்கு க்ரஷ். ஒவ்வொரு வயதிலும் பெண்கள் அவரைப்போன்று இருக்க வேண்டுமென விரும்புகிறேன்.

வதந்திகளிலேயே எனக்கு பலமுறை திருமணம் செய்து வைத்துவிட்டார்கள். உண்மையில் நடக்கும் போது அதை எப்படி எடுத்துக் கொள்வார்கள் எனத் தெரியவில்லை” என்றார்.